موقع السيارات الأول في الوطن العربي

أزاي تحـمي عـربيتك من السـرقة ؟

46

fdffffffffffff

1 – ركـب فى العـربية أجهزة أنذار و تتـبع  لان

لانها بـتخليك علي علم بكل تـحركات العـربية و بتقدر تـسيطر عليها و في اجهزة فصل كتير للعربية و تدور بكارت المهم تشتري حاجة غالية نضيفة مش مجهولة هاتها من مكان معـروف و مشهور

 

2 – متسبش حاجة فى العربيـة غالية او قيمة 

زي الموبايلات او لاب توب او ساعة غالية او نضارة شمس او شنطة تدل مثلا علي ان فيها فلوس او ورق مهم و هكذا عشان الحاجات دى بتحلو في عين الحرامي و بتشجعة انة يكسر العربية يسرق اللى فيها او يسرقها كلها شيل الحاجات المهمة فى الشنطة او درج التابلوة او بلاش تسيبها فى العربية خالص 

 

3 – قبل ما تسيب العربية أتاكد ان ال 4 ابواب مقفولين و الازاز كلة مرفوع 

لان في ناس كتير بتنسي و بتسيب الحاجات دى مفتوحة و بتبقي هدف سهل بالنسبة للحرامي

 

4 – أركن العربية في مكان صاحي و في نور و محلات فاتحة مش بتقفل او شارع منور جامد 

دة بيقلل فرصة الحرامي فى السرقة و بتخلية يخاف و يبص حوالية كتير و دة هيخلية يبعد عنك و يشوف هدف تاني

 

5 – أبعد بقي عن الحركات السخيفة دي و خد بالك منها 

# ان حد يرمي عليك بيض علي الازاز اللى قدام عشان تتخض و تقوم مشغل المساحات يقوم الازاز مشلفط و متبقاش شايف حاجة و تقف بالعربية ساعتها شوية حرامية يطلعة عليك يسبتوك و يسرقة العربية باللي فيها و ممكن يخلصة عليك كمان

# ان حد يقولك العربية بتنقط بنزين حاسب لتولع تقوم انت مخضوض و راكن و تنزل و تسيب العربية دايرة يقوم حد ناطط فيها و طاير بيها

# ان نفس الشخص يقولك في فردة مريحة تقوم راكن و ينط فيها و ياخدها

# ان حد يربطلك حاجة في العربية من الشكمان مثلا عشان طول ما انت ماشي تعمل صوت و حكة تقوم جاي راكن و نازل باصص يقوم حد يطلع عليك و ياخد العربية

# انك تقف في اشارة و حد يجي يخبط رجلة بصوت جامد فى الاكصدام ورا و يوهمك انك خبطة تقوم تنزل من العربية و تتشغل معاة و العربية تتسرق

التعليقات متوقفه