أزاي تـحسن مـن أداء عـربيتك منـغير ما تدفـع فلـوس كـتير … ؟!!

الموتور عبار عن منظومة متكاملة كل قطعة فية بتعتمد على قطعة تانية تانية
و لو حاجة باظت او متغيرتش بتأثر على حاجة تانية
و هكذا لحد لما الموتور يتأثر ككل ..
و عشان تتطلع أفضل اداء من موتورك منغير تعديلات
يبقى لازم تعمل بالكلام دة 

● تغيير فلتر البنزين كل 18 – 25 الف كيلو
● تغير فلتر الهوا كل 20 الف كيلو و تنضيفة كل 5 الاف و تنضف البوابة معاة لان تراكم الهوا على الفلتر بيقلل من نسبة دخول الهوا للموتور و العربية
هتبقى مخنووقة

● تغيير الزيت فى معادة و يا سلام لو قبل معادة ب 1000 كيلو او 1200 لأن مهما فلتر الهوا و البنزين عملوا الزيت بيتراكم فية شوايب بتسد فلتر الزيت و تخلى العربية تسخن بسرعة
دة غير انها كمان بتجرح فى جدران السلندر
و بتقلل عمر الموتور و طبعا التراب فى مصر غنى عن التعريف و كل 3 تغييرات زيت غير الفلتر

● البوجيهات ثم البوجيهات
دى روح الحريق فى الموتور يا جماعة و الله
حاول تغير البوجيهات كل 20 الف كيلو
و خلى معاك مفتاح بوجيهات عشان كل فترة تفكهم و تنضفهم و تعرف حالتهم و هل البوجية علية
زيت ولا لا ؟ و خليك فى بوجيهات NGK أو BOSCH و سيبك من البوجيهات ال 2 شمعة و ال 4 شمعة و التزم بمقاسات البوجية الأصلية بتاعت العربية

● حتة تعديل بقى
حاول تجيب أسلاك بوجيهات قطرها أكبر من اللى فى العربية عشان مقاومة السلك تقل و بالتالى الشرارة قوتها تزيد

● حاول كل فترة و انت ماشى مع نفسك كدة
تحرق على الموتور شوبة يعنى لو بتنقل براحة و هادى خليك دوستك تقيلة حبتين بأنك تنقل على عدد لفات Rpm أعلى عشان تفتح الموتور
و لو فية شوايب فى دورة البنزين تتشال

● عارف انت كدة لو كل 6 شهور تروح تسلك الريداتير و تنضفة عند اى حد بتاع ريداتيرات
هتفرق معاك جامد اوى و الله فى تبريد العربية و ادائها و هتفضل ديما باردة و مش هتسخن جامد
لان الريداتير اول حاجة بتمتص التراب و الحصو الصغير دة .. لما تروح تسلكة و تنضفة هتفرق معاك جامد اوى

الهورس باور و العزم مش مهم على قد ما مهم هو بيطلع أمتى 

العربية عبار عن الأستثمار بظبط
أعتنى بيها و أعملها الصيانات الدورية و صدقنى عمرها ما هتزعلك دة بالعكس لو بتحب عربيتك و فية ربع ضارب فى دماغك زيى هتحس بفرحتها 

‪