مـشكلة بتـواجة نـاس كتـير في جميع العـربيات و هي أستهلاك البـنزين الزيادة
و الـنهاردة هـنـقولكم ازاي نوفر بنزين الـعربية …
1 – نـتجنب الحرق علي الغيارات علي اد ما نقدر لانة بيستهلك بنزين بشراهة و نبطل نستخدم الكيك داون كتير لانة برضة بيقصر عمر الفتـيس و بيهلك قواعد الموتور
2 – البوجيهات لو عـاوزة تتـغير او مرطبة و مش شغالة بكفائة عالية هتعمل تأثير علي استهلاك الوقود
3 – بوابة الهوا لـو عـاوزة تتـنضف هتأثر علي اداء العربية كـلياً و كمان تزود استهلاك الوقود
4 – حـساس الشـكمان لو مـحتاج يـتغير هيعمل تأثير علي استهلاك الوقود
5 – لو عندك مثبت سرعة استخدمة فى طرق السفر لانة بيوفر حوالى 14% من البنزين من الاستهلاك العادى ..
6 – متفتحش الازاز علي الاخر و انت علي الطريق المفتوحة و الـ High Way لانها بتأثر علي استهلاك الوقود
7 – نضف ديما الفلاتر ب استمرار و كل 20 الف غير فلتر الهوا و البنزين كل 40 الف .
8 – ضغط الكاوتش لو مش مظبوط بيأثر علي استهلاك الوقود لان العربية مش بتبقي متزنة بالطريقة الصحيحة و بتبقي تقيلة و بالتالي الاستهلاك بيزيد .
9 – الطلمبة لو محتـاجة تتـغير او بتـعلق هتـستهلك بـنزين زيادة .
10 – في الامكان الزحمة و الاشارات الطـويلة بـطل العربية احسن عشان حتي و انت واقف العربية هتـستهلك بـنزين .
11 – لو انت ماشي و شايف علي مرمي بصرك ان كمان كام متر كدة الدنيا زحمة شيل رجلك من علي البنزين و سيب العربية تهدي لوحدها و قبل ما تدخل علي الزحمة دوس فرامل علي الهادي برضة و بكدة انت بتكون بتعمل حاجة اسـمها Engine Brake
12 – الأوزان الزئدة : كلما زاد الوزن زاد المجهود وبالتالي زاد استهلاك البنزبن أكثر عشان يعوض المجهود .
