1 – فـلتر الهواء
دة لو مكتوم سحب العربيه هيقل وكذلك هتستهلك بنزين عشان هتسحب بنزين تعوض بيه كمية الهواء اللى ناقصه فى الخليط ..
2 – الرشـاشـات
إن يكون في رشاش مكـتوم و عاوز يتنضف او بيبوظ خلاص او بيسيل دة لازم تعمل اختبار رشاشات عشان تعرف العيب في انهي واحد فيهم
3 – البـوجيهات
لو البوجيهات تعبانة و فيها مشكلة مش هتدي كفاءة فى اتمام الحريق
هتلاقى الحريق مش حلو وهتضطر تدوس بنزين عشان تعوض القدرة وتقدر العربيه تتحرك
4 – طـقم الديـسك و الاسطوانة ( دة لـو عـربية مانيوال )
هنا الاسطوانة لو خلصانة وفى جزء كبير من عزم الموتور مش بيروح للفتيس هضطر حضرتك تدوس بنزين عشان العربيه تتحرك و بالتالي استهلاك اعلي للـبنزين
5 – حـساس الشـكمان ( الاكـسجين )
دة بيركب على الفرن بتاع العربيه ووظيفته تحديد كمية الاكسجين فى العادم اللى ناتج عن احتراق الخليط ويقول للكمبيوتر نسبة الاكسجين اد ايه وبناءا عليه الكمبيوتر يحدد هل الخليط غنى ولا فقير والحساس دا لو بايظ
الاشاره بردوا اللى راحه للكمبيوتر هتبقى غلط ودا
هيسبب مشكله للكمبيوتر وهى انه مش هيقدر يحسب النسبه المظبوطه للخليط فهيخلى الرشاشات ترمى بنزين زيادة
6 – البـوابة
ممكن تكون البوابه سبب لاستهلاك البنزين لو الجوان بتاعها بيسحب هوا هيعمل كده وخصوصا لو البوابه الكترونى ودا لانها مش بتحسب النسبه بالظبط
7 – حسـاس الايدل
الحساس مسئول انه يعلى العربيه وقت التسخين يعنى يخلى الار بى ام مثلا على ١٢٠٠ لمده دقيقه لحد لما العربيه تسخن ومسئول بردوا انه يعليها مع الاحمال زى التكييف وحركة الدركسيون وانك تدى غيار فى الفتيس الاوتو
ودا لو باظ ممكن يخلى العربيه عاليه نسبيا و دة يسبب استهلاك بنزين
8 – جوان المـانفول
دة لو مقطوع او بيسحب هواء هيسبب لكم بردوا تستهلاك بنزين
9 – حـساس الـ TPS
دة بيستخدم لحساب مقدار فتحة البوابة الفعليه ويبعتها للكمبيوتر على هيئة اشارة دة لو بايظ هيسبب استهلاك بنزين لان ممكن تكون البوابه مقفوله ويبعت اشاره للكمبيوتر الكمبيوتر يفهم انها فاتحه نص فاتحه
10 – طلمبة البنزين
دي لـو مش شـغالة بكفاءة مش هتدي بنزين بالطريقة المطلوبة بالتالي الاستهلاك هيزيد
