وش سلندر

إزاي تـوقف العـربية لو الفـرامل عطلت .. !

aid703033-728px-Stop-Your-Car-in-an-Emergency-Step-3-Version-2

 

قـبل أي حاجة كـلنا مـعرضين ان ممكن فرامل عربياتنا تـعطل حتي لو كانت موديل الـسنة 

اهم حاجة أن احنا في المواقف اللي زي دي نتمالك و نتماسك أعصابنا و نكون هاديين عـلي قد ما نقدر 

 

لو الفرامل عـطلت قدامك كذا حل تـقدر تـعملهم توقف العربية بيهم خلال دقيقة .. 

  • أول حاجة لازم تربط الحزام و اي حد معاك في العربية لازم يربطة و يضيقة علي الاخر 
  • لو العربية فيها مثبت سـرعة تقدر تـقـلل الـسرعة منة لحد لما العربية تـقف ..
  • لو مفيش مثبت سـرعة تـقدر تـجيب الـفتـيس عـلي N بس لازم تكون ماسك الطارة كويس لان العربية ممكن تـعمل معاك أي رجة او هزة 
  • اضغط علي الفرامل كذا مرة ورا بعض و بشكل سـريع يمكن في وصلة معلقة او تسريب بسيط و الفرامل تمسك مع الكبس الكتير و الجامد 
  • لو البدال اتحجر تـماما يبقي لازم تـبقي عارف ان مفيش نقطة زيت في منظومة الفرامل كلها و مفيش أمل من البدال خالص
  • نيجي لفرامل اليد و دي بقي تركز فيها عشان ليها استخدام معـين لازم تشد تـكة بتـكة يعني مينفعش تكلبش العجل مرة واحدة لان ضهر العربية هيعوم منك و ممكن تخرج عن السيطرة الصح انك تشد تكة بتكة لحد لما تلاقي العربية بتتـلجم و السرعة بـتقل نـسبيا لحد لما تجيب اخر تقف اول لما العجل يكلبش تنزل الهاند تاني و تسيب الكاوتش يمشي و تكرر الحركة دي كذا مرة انك تشد تـكة بـتكة لحد اخر الهاند و تنزل تاني اول لما ضهر العربية يبدأ يعرض منك 
  • لو في رملة أنزل أمشي فيـها بس مش اي نزلة عشان العربية متتزحلقش منك او تتـقلب بس الرمل مقاومتة هتخلي العربية تـقف بشكل اسرع 
  • لو عربيتك فتـيس مانيوال يبقي هتقدر تواقفها خلال ثواني عن طريق الغيارات العكسية 
  • لو اوتو يـبقي عـندك الـ 3 و الـ 2 و الـ L بس لازم تكون مقدر السرعة شوية عشان خاطر متكسرش الفـتيس .. طب لو مش عندي الـ 3 سرعات دول .. يبقي تـعمل الخطوات اللى معمولة فوق دي 
  • اخر حل و أصعبهم أنك خلاص تكون قـللـت سـرعتك علي قد ما قدرت انك تخبط في حاجة عشان العربية تـقف بس تربط الحزام قبلها و تحاول تدخل في حاجة مش ناشفة اوي و مش في عربية غالية أوي  

aid47222-728px-Start-a-Car-Step-4-preview-Version-2

 

تابع أيضاً هذا :  نصائح للحفاظ على الفتيس الأوتو بتاع عربيتك

 

 

 

 

 

 

 

aid47222-728px-Start-a-Car-Step-4-preview-Version-2

 

 

 

 

 

 

 

aid67873-728px-Drive-Step-5-preview-Version-2

 

 

اظهر المزيد

مقالات ذات صلة