ماتيجوا نتكلم عن ازاي تحمي عربيتك من السرقة اكيد ده موضوع بيهم كل
الناس خصوصا ان مفيش امان اوي
وممكن عربيتك تتسرق في اي وقت تعالوا الاول نعرف ازاي تأمنها وهي مركونة
وواقفة .. النهاردة موقع وش سلندر هيـقولكم شوية نـصايح تـحموا بيـها عربياتكم
نصائح لحماية عربيتك من السرقة
1 – بلاش تسيب المفتاح في العربية وانت مش راكب فيها حتي لو كنت بتشتري حاجةمن محل بسرعة او واقف جنبها
( 50 % من السرقات بتبقي بالطريقة دي ) متقولش دة انا واقف جنبها اهو محدش هيعرف يسرقها لا بيعرف دى شغلتة
2 – بلاش تسيب مفتاح عربيتك في الجراج او الـ Parking اللي مكان الاراضي و البيوت المـهدودة
3 – لما تيجي تقفل العربية اتأكد انك قفلت كل الابواب(ممكن يكون في مشكلة في السنتر المهم تتأكد من الابواب بنفسك) 
4 – ماتسيبش اي حاجة ملفتة تجذب نظر الحرامى زى لاب توب او فون غالي جوه
العربية او فلوس او ساعة غالية او نضارة غالية علشان دي حاجات مغرية للحرامي انه
يفتح عربيتك
5 – ماتسيبش الرخصة ولا مفتاح احتياطي في العربية علشان مايبقاش سهل سرقتها
6 -كل مايبقي في حاجات تمنع السرقة وتشغل الحرامي مش هايفكر في وجع
دماغه ولا يسرق عربيتك زي انك تحط قفل طارة الدركسيون او كلبش عجل ..
هما اة بيعرفوا يفكوا كل دة بس هو مش عاوز يستهلك وقت جامد و عاوز ينجز ب
اسرع ما يمكن فا مش هتلزمة عربيتك و يشوف واحدة اسهل
7 – ممكن تعمل مفتاح فصل الكهربا ويكون مخفي عن الانظار كده في المستخبي
يعني انت اللي عارف الموضوع بس .
8 – لو هاتسيب العربية مدة كبيرة في مكان مش واثق فيه اوي ممكن تعرف مكان
(كتاوت) طرمبة البنزين او فيوز الرشاشات وتفصلهم .
9 – حط جهاز انذار في العربية ولمبة البيان بتاعته تكون واضحة من الازاز
10 – دلوقتي ظهرت اجهزة تتبع للعربية تتوصل بالفون بتاعك وتبعتلك رسالة تحذيرية
لو حد حاول يفتح عربيتك
وتروح انت مبطل الماتور برسالة من الفون بس ويروح باعتلك خريطة
ودي عبارة عن زرار قدام (SOS) بمكان العربية وفي الجهاز خاصية اسمها
صاحب العربية يدوس عليه لما يحصل هجوم علي عربيته من عصابة مثلا او قطاع
طرق فا الجهاز ده يتصرف ويبعت رسايل ل 4 اشخاص هو يبقي مسجل ارقامهم
علي الجهاز اصحابه او قرايبه يجوا ينقذوه .
11 – حاجة ناس كتير بتقع فيها للأسف
انك تبقى ماشى تلاقى واحد زنق عليك و راح جاى شاتمك شتيمة مستفزة دة
بيبقى حرامى
هو لما يشتمك انت مش هتسكت حاجة من الاثنين تردلة الشتيمة و انت جوة
عربيتك او الدم هيجرى فى عروقك هتروح كاسر علية و تنزل و انت متعصب و تنسى
عربيتك دايرة
يروح الحرامى جى ناطط فيها و جايب اخر الدواسة و طالع
و انت لسة هتنزل تتخانق
يعني لو هتنزل تتخانق اسحب مفتاح عربيتك في ايدك
