بسمع صوت دق لما بشغل العربية ! يا ترى أيه ده !؟

الدق : هو عباره عن صوت دربكه بتظهر فى المحرك عند الضغط على دواسة البنزين وهو صوت غير طبيعى او غير مستحب للمحرك اثناء التشغيل.

علميا ماهو الدق؟

هنلاحظ ان فيه حالتين للاشتعال الحاله الاولى :
Normal combustion

او الاحتراق الطبيعى وفي الحاله دى  فى نهايه شويه الانضغاط البيجوهات او Spark plug  بتصدر الشراراه عشان تبتدى عملية الاشتعال لخليط الهواء و الوقود واللى بيكون ضغطه و درجه حرارته عاليه لما بتصدر الشراره المفروض ان اتجاه انتشار اللهب (Flame Front ) من فوق من عند البيجوهات  لاسفل لحد الماكبس بمعنى انه بيحصل اشتعال او انفجار  صغير واحد بيكون فى اتجاه واحد وفى الحاله دى الاحتراق بيكون مظبوط وطبيعى.

.

.

الحاله الثانيه:

Premature Combustion

وهنا بنلاحظ ان فيه اجزاء معينه من الخليط حصلها اشتعال قبل وصول موجه الاحتراق لها من البيجوهات و هوه دا سبب صوت الدربكه اللى بيظهر فى المحرك عند الضغط على دواسه البنزين و الظاهرة دى بتحصل لاسباب مختلفه هنعرفها مع بعص.

.

.

.

اسباب حدوث ظاهرة الدق:

1-خلل فى عملية الاحتراق

فى الحاله دى بيحدث اشتعال مبكر لبعض اجزاء الخليط بسبب وجود رواسب كربونيه فى غرفه الاحتراق رواسب كربونيه يعنى وقود غير مشتعل ودا هيغير تركيز الوقود فى الشحنه الموجوده فى غرفه الاحتراق وممكن يحصل اشتعال ذاتى .

2- خلل فى منظومة التبريد

دا معناه ان المحرك بتاعك سخن نتيجه خلل فى منظومه التبريد الخاصه للمحرك المفروض ان درجه حراره التشغيل المثاليه للمحرك هي 80:90 درجه  لما درجه الحراره بتزيد هتقرب من درجه الاشتعال الذاتى للوقود ودا هيؤدى لظاهرة الدق.

3- استخدام نوع بنزين غير مناسب للمحرك

كلنا طبعا عارفين ان فيه مثلا بنزين 90 او 80 او 95 الرقم دا بيوضح نسبه الاوكتان فى الوقود بمعنى ان بنزين 80 بيحتوى على 80% اوكتان و الاوكتان هو نوع من مشنقات البترول المقاوم لظاهرة الدق فاستخدام نوع الوقود الخاطئ هيسبب ظاهرة الدق كمان لو فى مشكله فى نسبه خلط الوقود مع الهواء دا برده هسيبب نفس المشكله.