انهارده هنتكلم عن المطلب الجماهيرى اللى طالبتوه مننا ودايما نفسكوا تعرفوا عنه وهو حساس الاكسجين (الشكمان)
??
زى مقولنا قبل كده وادينا بنقول تانى الكمبيوتر بتاع العربيه او الكنترول مشغل عنده مجموعة حساسات عشان تنقله حالة وبيانات الموتور لحظه بلحظه او بالمعنى البلدى بتاعنا كده مشغل عنده مجموعة مخبرين وحساس الشكمان دا واحد من المخبرين بتوعه 
?? احنا ممكن نقعد نشرحه بالتفصيل الممل اوى بس يكفى ان احنا نعرف ايه هو ووظيفته ايه والاعطال اللى بتنتج عنه عشان محدش بزهق وهو بيقرا الموضوع احنا كنا بنقول ايه ??? اه الحساس دا عامل زى المخبر لانه بيقيس كمية الاكسجين فى العادم اللى نتج عن احتراق خليط الوقود واهواء ولو لاقى كمية الهواء قليلة عن الحد المسموح بيه يرسل اشارة للكمبيوتر فى صورة فولتية يقوله الحق يامعلم الهواء قليل وكده البنزين زيادة وكده الخليط فقير بالنسبه للهواء انت هتسكت على المهزله دى يقوم الكمبيوتر الدم يغلى فى عرقوه ويقوم مخلى الرشاشات تقلل زمن فتحها وبكده تقل نسبة البنزين ويحصل تعادل مابين كمية البنزين وكمية الهوا ويوصل الخليط للمعدل المظبوط اللى هو ١٤.٧ : ١ يعنى لو الرشاشات هترش ا جم بنزين الهوا اللى يدخل يكون ١٤.٧ جرام هوا وهى دى النسبة المثالية للخليط طيب الحساس لو لاقى البنزين قليل والهواء كتير. ومعنى كده ان الخليط غنى بالهواء يقوم الحساس باعت اشارة للكمبيوتر يقوله الهواء زيادة يقوم الكمبيوتر مزود زمن فتح الرشاشات عشان كمية البنزين تزيد ونظبط الخليط الحته اللى جايه دى بقا الناس اللى دارسين تحكم آلى هيفهمونى فيها بسرعه دلوقتى الكنترول فيه جزءيه خاصه باستقبال اشارات الحساس دا وفى وحدة مخصوصه بتعمل مقارنة مابين النسبة اللى باعتها الحساس والنسبة اللى مسجلة فى السوفت بتاع الكمبيوتر والخرج بتاع المقارنه دى هو اللى بحدد الكمبيوتر هيعمل ايه ???
نخش بقا فى التكوين الحساس دا له فكرتين
اول فكره انه بيتكون من جوا من لوحين صغيرين بينهم مادة اسمها ثانى اكسيد الزركينيوم zirconia dioxide?? لما الحساس بيشتغل ويوصله اكسجين بيحصل تاين للمادة وللالواح ودا بيسبب وجود فرق جهد بيوصل للكمبيوتر واىكمبيوتر بيفهم منه الوضع فيه ايه 
??
الفكره التانية انه بيكون فيه مقاومه داخليه متغيره بتتغير على حسب درجة الحرارة تقريبا وهى تقريبا من نوعية PTC يعنى مقاومة ذات معامل حرارى موجب يعنى المقاومه بتزيد لما درجة الحرارة تزيد 
☺☺ ومن التغير فى قيمة المقاومه دى الكمبيوتر بيفهم الليله فيها ايه وبيتعامل
فيبقى حتة صياعة عايز اقولكم عليها 
?? الحساس دا بيشتغل ويدى نتائج فى درجة حرارة عاليه يعنى حوالى ٦٠٠ فهرنهيت او ٣١٥ درجة مئويه ? فى ناس قالتلك احنا مش هنخلى الكمبيوتر ياخد القرايه بتاعته اول لما العربيه تدور ونستنى لما الموتور يسخن ويسخنه معانا ودا بقى الحساس ابو سلكه واحده ( واحد طرف ) ?
وناس قالتلك لا احنا هنخليه يسخن معانا ودا عن طريق ان بيبقى جواه سخان موجود جواه يسخنه اول لما تفتح الكونتكت وبعد فترة زمنيه الكنترول بيفصل السخانات دى ودا الحساس الل بيبقى ٣اطراف و٤اطراف من المهم جدا انك لو بتغير الحساس تنتبه لعدد الاطراف نقطه كمان مهمه??
الحساس دا ساعات بيدى قراءه غلط لو اترسبت عليه رواسب كربون وكده جهاز كشف الاعطال مش هيقولك ان العطل جاى من الحساس دا فالافضل انك كل ٦ شهور مثلا كده تفكه وتنضفه بفرشه او تصنفره نخش بقى على الاعطال وبعدها اقولكم ا سلام عليكوا ??? لما الحساس دا يبوظ ممكن يحصل ايه ؟ ?? اقولكم استهلاك بنزين غير طبيعى داخنه مائلة للسواد بالاضافه للهباب من الشكمان 
? البوجيهات بتبوظ بسرعه بسبب تراكم الكربون عليها السحب بتاع العربيه بيقل وبتبقى بطه بلدى
? العادم هيبقى نقى وكذلك الحريق لم يكتمل وكذلك هتشم حضرتك ريحة بنزين وعادم غير كامل الحريق ?
واكيد طبعا العربيه السلانسيه بتاعها مش هيبقى مظبوط 
?
ياريت موضوع النهارده يكون عجبكوا
لو في اي استفسار ممكن تسيبوا تعليقاتكوا هنا ..
ولو عجبك الموضوع شير عشان الكل يستفيد ..
