وش سلندر

الـبارومة

النهاردة هنـتكلم عن بارومة العـربية
الأول لازم نـعرف أية هى البارومة
الـبارومة دى بتحصل للعربيات او المعدن بصفة عامة
و هى تأكل الصاج بسبب الصدى
و أسبابة أنك بتغسل العربية عمال على بطال كل شوية و المشى فى الطين كتير و عدم تنشيف العربية كويس
او بتمشى فى مجارى كتير الخ الخ أى شئ فى ماية العربية بتتعرض لية كتير دة بيساعد على البارومة
طب أعمل أية عشان أشيل البارومة
هتـروح لـسمكرى عشان يلحملك حتة صاج جديدة بدل اللى فيها بارومة و بعد كدة تروح للبوهيجى عشان يصنفر و ينعم و بعد كدة يرش
و فى اللى بيستسهل و يروح جاى يمعجن البارومة و بعد كده يصنفرها و يرش بس الحل دة مش حلو لان بعد فترة المعجون بيتشال و هيرجع يحصل بارومة تانى
أماكن البارومة ..
1 – الدواسات
2 – صاج الابواب و العتب
3 – الرفارف
4 – الشنطة من تحت
دى أغلبية الاماكن اللى بيبقى فيها بارومة بس مش معنى كدة ان باقى الاجزاء ميظهرش فيها بارومة لا عادى العربية كلها ف اى حتة ممكن تعمل بارومة بس انا ذكرت الاماكن الشائعة
افحص مكان الاستبن و تحت تانك البنزين و فى طبات كاوتش بتمنع ان الماية تدخل للشنطة أتأكد أنها موجودة
لو مش عارف مكانها او شكلها …
اسال سايس الجراج او ميكانيكى او سمكرى اى واحد و خلاص و هيقولك عليها او توديها لحد يشوفها دى اماكن برضة ممكن يكون فيها بارومة
و نـصيحة لو فية بارومة فى العربية حتى لو حتى صغيرة او متكسلش و تعمل لانها بتجرى و تسرح جامد و ممكن تفرش فى العربية بسرعة
طب تعالى بقى أقولك شوية نـصايح ..
تعملها لو عربيتك فيها بارومة و هتعمل الكلام اللى قولنا فوق دة
فى مادة بتتجاب أسمها بوتامين دى مادة وقاية بتترش قبل الدهان
حاجة شبة المازوت كدة
دى بتعمل عزل بين الماية و بين جسم العربية
و هتحافظ بيها على العربية اطول وقت ممكن
و فية فيـلم شفاف بيتجاب من محلات الاكسسوارات و الكماليات دة فيلم شفاف كامل او لزق شفاف بيتعمل بية العربية كلها بيعمل منـ 2000 و أنت طـالع بيتلزق على العربية كلها بيحمى البوية و بيحمى من الخرابيش جامد
دلـوقتـى بـقى العربيات الجديدة بتنزل عليها طبقة عازلة من مصنعها
ازاى ؟
هـى أن العـربية بـتتنقع فى محلول كامل بعد ما تتجمع و بعد كدة يسيبوها تـنشف و بعد كدة يتم رشها و دى أسمها الفـسفتة
بتوع ثانوية عامة فين ؟ أكيد عارفين الكلام دة grin emoticon
و فى حاجة كمان و هى أضافة الزنك للصاج و دى بقـى أسمها الـ
( الجـلفنة ) الحاجتين اللى فى الاخر دول كيمياء
و بس كدة خـلاص خلصنا حوار البارومة

تابع أيضاً هذا :  عـاوز تـشتري عـربية جديدة ؟ خد الـنصايح دي
اظهر المزيد

مقالات ذات صلة