- التـليين الجيد و الصحيح هو ان لا تتـعدي سـرعة لـفات الـموتور 2500 لفة / الدقيقة لـحد 3000 لفة / الدقيقة و تجنب الـحرق علي الغـيارات و الكيك داون
- يـستحسن تـشغيل الـتكييـف بـعد فـترة الـ 1000 كيـلو
- مدة الـتليـين الاسـاسـية هـي اول 1000 كـيلو و يتـم بـعدها تـغيير الزيـت و تـربيط الـعفشة بالكامل و البـطاحات
- بـعد الـ 1000 كـيلو يـفضل تـحرق عـلي الغـيار بـصورة بـسيطة شـوية يعني بدل ما تـنقل عـلي 2500 او 3000 لاء أنقل عـلي 4200 مثلا عـشان تـفتح الموتور و الـصبابات تفرش معـاك و نفس الموتور يـطول بس خلي في تناغم كدة في اداء العربية يعني مرة تحرق و مرة لاء و هكذا عشان الموتور يسـتقر مـعاك
- يـتم ملئ ضغط الكاوتش ( الهوا ) عـلي المـقاس المـكتوب في قـايم الـعربية
- حط أول مـرة تـفويلة 95 عـشان تـلـيين عـليها فتـرة هـتفرق مـعاك في بداية تـشغيل المـوتور
- بلاش تـزود عـن سـرعة 100 في أول 1000 كـيلو
- تـجنب الفرامل المفاجئة و القـوية في فتـرة التـلييـن عـشان الفرامل تـطبع مـع الطـنابير
- تـجنب الـطرق الوعـرة و الطرق المـكسرة و النـقر في فتـرة التـليين عـشان الـعفشة و كـمان عـشان اجزاء الـتراب و الرملة الصـغيرة اووي متـدخلش عـلي الموتور بتـعمل عـمل الـصنفرة
- سـخن الـعربية في فتـرة التـليين عـشان تـسخن الزيت عـشان اجزاء المـوتور المـيكانـيكية بتـكون لسـة بتـطبع عـلي بـضعها
- حـاول عـلي اد ما تقدر تـخلص فتـرة الـتلييـن في أقل فـترة ممـكنة
- بـعد الـ 1000 كـيلو و عـمل صـيانة الـ 1000 و تربيط الـعفشة و تـغيير الزيـت هتلاقي أن صـوت المـوتور بـقي أنـعم و أهدي و أستجابة الـعربية و التـسارع بـقي احسن من الاول بكـتير
- عند عـمل صـيانة الالف أرفع العربية و أتأكد ان مفيش تـسريبات من اي حتة او اي جزء في الـعربية
- حاول تـتجنب تـليين الـعربية في الطرق الزحمة لان التباطئ و المشي في الزحمة كتير بيـسخن الموتور و دة مش حلو لـعربية لسة جديدة عـشان كدة حاول تـليين الـعربية في طرق فاضية بـليل مـتأخر شـوية
- تـجنب الـحمولة الزايدة و الـعالية في فـترة الـتلـيين و بـلاش تـقطر عـربية او تـسحب حاجة وراك ..
