الفـرق بيـن الـ سـي سـي و عدد الأحصـنة

هـنتكلم فى الموضوع دة عن اجابة 3 أسئـلة  

1 – اية الفرق بين ال CC و ال HP ؟ 
2 – اية الفرق ان عربية 1600 بتخرج 110 حصان و عربية تانية 1600 بتخرج 130 حصان ؟ 

3 –  هـل العربية اللي عـدد الـ CC بتاعها قليل و بطلع عدد أحصنة كـتير احسن ولا الـعكس ؟ 

1 – اية الفرق بين ال CC و ال HP
و اية الفرق ان عربية 1600 بتخرج 110 حصان مثلا و عربية تانية 1600 بتخرج 130 حصان .. ؟

السى سى هو السعة اللترية لغرفة احتراق
المحرك .. و هو اختصار للسنتيمتر مكعب
CC = Centimeter Cube

عندك مثلا عربية 1600 سى سى 4 سلندر
معناها انها بتحتوى على 4 غرف احتراق بمعنى خليط الهوا مع البنزين بيتحرقة فى 4 اماكن فى الموتور جمب بعض كل غرفة بتاخد 400 سم مكعب
بحيث انك لو قسمت ال 1600 على ال 4 هيساوى 400

و لو عربية 2000 سى سى 4 سلندر
معناها انك لو قسمت ال 2000 على ال 4 هيساوى 500 سم مكعب … من الهوا و البنزين و اختلاطهم ببعض و حرقهم بيساوى 500 سم مكعب فى كل سلندر …

طب ال HP او عدد الحصنة .. او الهورس باور
شوف ياسيدى ال
HP = Horse Power
دى وحدة قياس القدرة او الطاقة الحركية
بحيث مثلا لو عربية 100 حصان … ف هى تقدر تمشى بقوة 100 حصان ماشيين فى وقت واحد
و دى ملهاش علاقة ب ال CC دى بتعتمد على التكنولوجيا المستخدمة فى الموتور و طريقة التصنيع
يعنى عندك مثلا

شيفرولية كروز 1600سى سى بتخرج 107 حصان
و ال لانسر شارك 1600 سى سى بتخرج 117 حصان .. لية بقى ؟
5 اسباب .. 
1 – شكل تيارات الهوا اللي داخل على البستم
ازاى ؟
كل بستم ممكن يكون نفس الحجم و القطر عادى بس تيارات الهوا اللى داخلة على البستم ليها كذا شكل
و دة بيدل على اختلاف التصنيع بين كل شركة و التانية ..
مش فاهم .. يعنى هتلاقى عربيتين من ماركتين مختلفين .. هتلاقى البستم فى كل عربية حجمة هيكون واحد عادى بس السطح بتاعة من فوق مختلف عن العربية التانية .. التصميم الاحسن فى البستم هو اللى هيطلع عدد حصنة اعلى و قدرة اعلى

2 – تصميم الموتور و المادة المصنوعة منة
علشان مع ظروف تشغيل الموتور طبيعى انة يسخن و دة بيغير فى المسافات البينية بين البستم و السلندر و طبعا كل لما تكون المادة اللى الموتور متصنع منها جودتها عالية و احسن
مش هيكون فى فقد للطاقة او عدد من الحصنة

3 – المسافة بين البستم و السلندر اللى هى الجزء من الملى و المسافة دى كل لما بتقل كل لما القدرة تزيد

4 – عدد لفات ال RPM فى الدقيقة
5 – عدد الصبابات و طريقة توزيعها

طب انهى احسن ؟ ?
الموتور اللى عدد ال CC بتاعة كبير و بيطلع عدد حصنة قليل
ولا الموتور اللى عدد ال CC بتاعة قليل
بس بيطلع عدد حصان حلو و كبير نسبيآ

الاجابة >> طبعا الموتور اللى عدد ال CC بتاعة قليل و بيطلع عدد حصنة كتير ..
طب لية ؟
1- اوفر فى الصيانة
2 – اوفر فى البنزين
3 – العادم اللى طالع منة اقل تلويث للبيئة
بس اركن رقم 3 دى على جمب ابتسم انت فى مصر ???

طب ازاى شركات العربيات بتطلع عدد حصنة كبير من CC قليل .. بسيطة دى ?
بيحطلك تيربو او سوبر تشارجر صغنون كدة يطلعلك عدد حصنة كبير