اولا كدة اية هي البوجيهات بفكرة بسـيطة .. ؟
لبوجيهات دى هى فكرة
الاشعال الذاتى بتاع الولاعات و البوتجاز
انك تقرب شوية نار من غاز يقوم جى مولع نار
نفس الفكرة هنا فى العربية
تدخل خليط من الهوا و البنزين البوجية يعمل شرارة يقوم الخليط منفجر فى الموتور
و العربية تمشى … بتعتمد على نظام الاشعال
طب أمتى أغير البوجية و اية علامات تغييرة ؟
لو العربية بتقطع معاك و صوت الموتور مش مظبوط و عالى و كمان و هى على السلانسية
تحس ان العربية عاوزة تبطل
و ممكن تعرف لما تفك البوجيهات و تلاقيها مفحمة او عليها اثار زيت او كاربون ..
كمان ممكن تفك بوجية واحد من النص
يعنى ولا الأول و الأخير و تبص علية لو الجزء المعدنى الصغير متفحم او علية كاربون كتير
يبقى البوجيهات كلها عاوزة تتغير
طب انا عاوز اعرف اية الاسباب اللى بتخلى الكاربون يتكون و يتلم على البوجية ؟
1 – كبس الموتور خفيف نتيجة بوظان الشنابر او بوظان جدران السلندر
2 – البوجيهات نفسها رديئة
3 – انك بتمشى على سرعات بطيئة اكتر من اللازم كتير و اللى بيحصل هنا ان الموتور بيفضل بارد و مش بيسخن يقوم الكاربون بترسب علية
4 – بنزين مش نضيف و مليان شوايب ..
