عـداد الـ RPM لازم نـتفق ان كل العربيات الجديدة حالياً بينزل فيها عداد مـكتوب عـلية RPM بس في ناس كتير متعرفش اية لزمة العداد دة او اية فايدتة او ازاي نـستخدمة .. الـنهاردة موقع وش سلـندر هـيقولك أزاي تـستخدمة ..
خلينا نعرف الأول إيه هو العداد ده
العداد ده بيقيس عدد دورات عمود الكرنك بتاع الموتور في الدقيقة أو بمعنى آخر بيقيس الموتور بلف كام لفة في الدقيقة والمعروف إن موتور العربية دورانه بيزيد ويقل مع زيادة أو نقص كمية الوقود اللي بيدخله طبعا على حسب دوسة رجلك للبنزين والحمل على الموتور
معني عداد RPM أختـصار لكـلمة أية ؟
هو أختـصار لـ Revolution Per Minute
فوائد عـداد الـ RPM
طيب ده هيفيدني في إيه؟
بيديك فكرة عن أداء الموتور ومنها تقدر تحافظ على موتور عربيتك وتطول عمره إزاي؟ بيكون العـداد دة في ارقام من 0 لـ 8 الاف دورة في الدقيقة و في العادة بيبدأ يتـلون باللون الاحمر من أول رقم 7
المنطقة دي إسمها الـ”Red Zone” أو المنطقة الحمرا .. طول ما انت ما دخلتش المنطقة دي يبقى موتورك في أمان
و في نقط كمان تانية مـهمة
كل موتور بيبقى متصمم عشان يطلع شكل معين للأداء ، والأداء ده بيختلف من موتور للتاني على حسب الغرض اللي الموتور ده متصمم عشانه
يعني فيه مواتير عشان تاخد منها أداء عالي لازم ترفع الدوران بتاعها قوي… وفي مواتير تانية متصممة إنها تديك عزم عالي على دوران أبطأ… وده كمان بيختلف أساسا على حسب المنطقة الحمرا بتبدأ منين.
في المقابل… الفتيس أو الجيربوكس اللي هيركب على الموتور ده معمول بطريقة إنك تاخد أفضل أداء من الموتور في حدود المطلوب من العربية أساسا
اهمية عـداد الـ RPM في السيارات الرياضية
عشان كده..
في القيادة العادية (غير الرياضية) … عادة … النقل في الدورات المتوسطة هو أحسن شيء للموتور… عشان تاخد أعلى عزم من الموتور من غير ما صوت الموتور يعلى وكمان يديك أعلى كفاءة في استهلاك البنزين
لو انت عايز تسوق بطريقة “رياضية”… المفروض ما تنقلش للنقلة
اللي بعدها إلا على دورات عالية… لإن أقصى قدرة بتاخدها من الموتور بتبقى في الدورات العالية
مع الوقت هتتعود على حركة عـداد الـ RPM ، وهتعرف إمتى تنقل وهتفهم عربيتك أحسن بكتير وأحيانا ممكن تعرف إذا كان أداء عربيتك كويس أو لأ من العداد ده
