هنكمل بقيت موضوعنا لفحص السيارات المستعملة والنهاردة هنكمل ازاى تعمل Check على الفتيس الاوتوماتيك
_____________________________
طبعاً الفتيس الاوتوماتك مش بيتجرب و العربية مبطلة عكس المانيوال
لازم العربية تكون دايرة …
1 – دور العربية و هات ال DD و سيب فرامل و متدوسش بنزين لو العربية اتحركت براحة و واحدة واحدة كدة منغير متدوس بنزين كدة دى بداية الطمأنينة ان الفتيس تمام
نفس الكلام جرب فى الـ RR لو العربية رجعت ورا لوحدها منغير بنزين يبقى كدة الفتيس برضة بداية الامان و التمام
ملحوظة لازم كل دة الـ RPM ميكنش معدى ال 1000
2 – أطلع اتمشى بالعربية لازم متحسش بالنقلة يعنى مينفعش تحس بالغيار و هو بينقل يعنى التغيير يكون بسلاسة بدون اى رجة او هزة يحس بيها اللى سايق
3 – لو العربية فيها وضعية الـ SS اللى هى الاسبورت .. القيادة الرياضية يعنى او زرار لوحدة لازم تحس بالختلاف و التسارع بتاع العربية لازم تلاحظ ان العربية بتحرق شوية على الغيار عشان تطلع اقصى قوة و دة طبعاً فى حالة الـ S فقط
4 – لو العربية فيها الـ L جربة فى المطالع و تحس معاة بالعزم يعنى صوت الموتور بيكون عالى شوية
5 – لو العربية فيها سـتيـبترونيك لازم تتاكد انة شغال تمام بعد ما تزبط عصاية الفتيس على الـ + و الـ — اطلع احرق بالعربية شوية و أنقل شوف الفتيس بيستجاب معاك بسرعة و العربية بتنقل علطول يبقى تمام و حاول تجرب فى شارع واسع او طريق سريع عشان تعرف تجرب كل الغيارات ..
و لو العربية عالية حبتين بقى و فيها الـ Shiftat اللى بتبقى فى الطارة لازم تتأكد انها شغالة و تجربها ..
6 – لو انت ماشى براحة بالعربية مش حارق عليها
و حسيت ان النقلة بتتأخر دى فى الغالب بتبقى مشكلة فى الـ Body Valvee بتاع الفتيس اللى هو بيكون متوصل مع الـ RPM و لما يحس انة على يقوم مزود النقلة اوتوماتيك
و معنى ان العربية تتأخر فى النقلة فى دى مشكلة في الـ Body Valve
لو الحاجات دى كلها تمام يبقى فتيس العربية تمام و شغال 10/10
غير كدة أخلع من العربية و شوف غيرها وبكدا نكون خلصنا فحص الفتيس الأتوماتيك بالكامل
متنسوش بقيت مواضيعنا في الفحص اللي هتلاقوها هنا
لو عاوز تعمل فحص للفتيس المانيوال اضغط هنا
لو عاوز تعمل فحص للعفشة اضغط هنا
لو عاوز تعمل فحص للموتور اضغط هنا
لو في اي استفسار ممكن تسيب تعليقك هنا
ولو عجبك الموضوع شير في كل مكان عشان الكل يستفيد
