وش سلندر

فـلتر الهـواء الـرياضي ما هو وكيفية تركيبة ؟

2560x1440-white-solid-color-background


النهارة هنقول أية هو فلتر الهواء الرياضي  ؟

 

تـعالو الأول كدة لازم نـقول حاجة مـهمة
كل الكلام اللى جاي دة هتحس بالفرق بتاعة لو الفلتر اللى انت جايبة او هتجيبة أصـلي
يعني اصلي او كوبي نضيف من أول 1000 جنـية و انت طالع لـحد 1500 مثلا و في حاجات اغلي كمان
اما الحاجات اللى سكة 200 جنية بقي و 400 كل دة جو رخيص بيكتم المكنة معاك و بيعلي الصوت علي الفاضي و العربية هتاكل بنزين و خلاص .
نـقول بـقي فكرة عـملة .. !
نظرية العمل :-
تعتمد نظرية العملل للفلاتر دي على زيادة الهوا اللى داخل لـغرفة الاحتراق وبالتالى زيادة كمية الاكسجين اللـي بيؤدى بدورة الى زيادة قوة الاحتراق داخل غرف الاحتراق مما ينتج عنه قوة أكبر للموتور و حـرق أفضل
بالإضافه الى ان الفلاتر الرياضيه بتكون مصممه من ألياف خاصه بتنقى الهواء اكتر من الفلاتر العاديه وبتسمح بس للهواء النقى للدخول للموتور ليتم الحرق وإعطاء طاقه وعزم أعلى للعربيه
بس لازم تـحط الفـلتر دة في مكان مباشر للهوا عـلطول يعني ورا الشبكة علطول او تحطة مكان الفوج سواء يمين او شمال بـقي لو الفانوس عندك كذا قطعة شـيل قطعة منة و حط الفـلتر مكانها بس الكلام دة تعملة في الشتا بس طب لية ؟ عشان خاطر تحافظ علي الفلتر من التراب و الجو السخن بتاع الصيف و في الصيف تدخلة ورا الشبكة او في حتة بعيد عن الموتور شـوية .
اية احسـن طـريقة لـتركيبة .. ؟
أنك تركبة بالماسورة بتاعتة سواء كانت جاهزة او هتتـعملة مخصوص و انك زي ما قولنا انك في الشتا تطلعة برة العربية و في الصيف تبعدة عن الموتور بقدر الامكان .
طب أية أحسن نـوعية فـلاتر ؟
و الله هو النوع المنتشر في السوق و ادائة كويس بس زي ما قولنا لو أصلي و هو K & N
المحافظة علي الفلاتر دي بتطول في عمرها جدا
لو عاوز تحافظ عـلية يبقي تـعمل شوية حاجات :-
1 – انة يكون أصلي عشان يعيش فـعلا
2 – في الشتا برة العربية .. في الصيف جوة العـربية
3 – تنضفة بـ استمرار
طب بيفرق في حاجة ؟
أة لو نضيف او اصلي او كوبي علي الاقل هتلاقي صوت الموتور أتغير و بقي رياضي حبة و أعلي هتحب الصوت يعني
بس مش بيزود عدد حصنة يا جماعة خلونا نتفق علي كدة
مفيش اي حاجة تقدر تزود قوة الموتور غير الشبـات الرياضية و التعديل الكامل بقي او انك تركب حاجات زي الـ Racing Ship لاكن الفلتر دة بيعمل تـحسين لعملية الحرق انة يدخل هوا اكبر للموتور و هوا بارد يساعد في عملية الحرق و دة بيحسن السحب و التسارع لاكن مش بيزود عدد حصنة العربية
يعني اي بياع يقولك دة بيزود 5 حـصان و دة بيزود 7 حـصان اعرف انة بيشتغلك علطول و عاوز يبيع و خلاص و مش فاهم حاجة او فاهم بس بيصيع عـليك
الفلتر مش بيزود حصنة بس بيساعد انة يحسن الحرق و التسارع و السـحب
و بكدة نـكون خـلصنا موضوعنا النهاردة و يارب تكونوا استفدتوا …

تابع أيضاً هذا :  ميني تكشف عن أبواب متميزة لسيارتها مقابل سعر معقول
الوسوم
اظهر المزيد

مقالات ذات صلة

أنت تستخدم إضافة Adblock

برجاء دعمنا عن طريق تعطيل إضافة Adblock