عفشة العربيه بتهمنا كلنا كمصريين و عشان كدا هنتكلم عنها
كيفية اختبار عفشة العربيه
- ازاى تكشف على حالة المساعدين ؟هتهز العربية من الاربع جهات( شمال قدام ؛ شمال ورا ) ( يمين قدام ؛ يمين ورا ) عن طريق انك تيجى فى كل نحية من اللى قولنا عليهم دول تضغط عليها بقوة لو العربية ردت بسرعة يبقى العفشة بتاعت الحتة دى تمام .. اما لو ردت و نزلت تانى .. فا دة دليل على ان العفشة بتاعت الحتة دى ضعيفة و هيكون حاجة من الاثنين دول ( ضعف ياى ) او المساعد خلاص الهوا اللى فية فضى و ممكن يجيبو زيت (اعراض تلف المساعدين ) .
- لازم تكون دقيق و متفوتش اى تفصيلة ? لانك لو فوت حاجة جيبك هيفوت بعد كدة فى العربية اللى خدتها .
- فحص الكاوتش .. و انت بتفحص حالة العجل من حيث جودة الكاوتش و الجنوط بص فى الكاوتش و خصوصا اللى قدام و شوف اذا كان فى تأكل جزئى ولا لا ؟ شوف الجنط فى حتة متنية و عاوز استعدال ولا لا لان كل دة بيدل على عيوب فى العفشة و ان العربية بتمشى فى بلاوى و صاحبها خابط بالجنط دة مثلا و اتنى منةلازم كمان تركز بحيث ان يكون الكاوتش يكون فى النص بظبط .. مش فاهم ? يعنى بص على المسافات و اتأكد انها متساوية بين العجل و الرفرف من قدام و بينها و بين الرفرف من ورا و لازم العجلة تكون فى منتصف الداير بتاع الرفرف بظبط و مفيش حاجة مرحلة عن التانية لان لو فى حاجة من الكلام دة موجودة يبقى العفشة منتهية و ممكن تلاقى مشاكل فى الشاسية كمان ? …
- ● العربيات الحديثة دلوقتى .. هتلاقى تحت الرفارف اسلاك كتير خاصة بنظام التوجية و الحساسات بتاعت الانظمة الالكترونية المرتبطة بالعفشة و الفرامل زى ال ESP و ال ABS .. الخ خلى معاك كشاف ? ( دة لو هتشوف العربية بليل ) و تبص على المقاصات .. شوف مثلا فى اى لحام من اى نوع او صدا من اى نوع و تبص على كل اماكن تثبيت الاجزاء ببعضها و الكلام دة كلة مش هيظهر غير و العربية مرفوعة.
⇐ دى معظم الحاجات اللى تتشاف و العربية واقفة ⇒
طب و انا ماشى ? ؟ و دة الجزء الاسهل فى الموضوعة
لازم تعرف ان عيوب العفشة مش بتظهر غير و العربية ماشية مع المطبات بتاعتنا و البلاعات ?
1- ناخد كام مطب او بلاعه (بالراحة طبعا عشان صاحب العربية مايزعلش مننا ) و نلاحظ مدى تماسك العفشة و العربية ككل و درجة احساسك بالمطب يعنى الصدمة بتجيلك جامدة ولا بتحس ان فى تناغم كدة و العفشة شايلك عنك ? ولا رايحة فى داهية و تحس بكل حاجة.
2 – اقف بالعربية و خلى الموتور داير و لف الطارة يمين و شمال لحد الاخر ( لحد لما الدريكسيون يقف ) لازم متسمعش صوت اى طقطقة او تكتكة
لازم متسمعش حاجة غير صوت احتكاك الكاوتش و لو كانت العربية (بارو ستيرنج ) تشوف لو الدريسيكون فى هزة ولا لا حتى لو بسيطة و شوف لما تجيبة لحد الاخر بيرجع حبة ولا بيفضل ثابت على مكانة
لان لو رجع من مكانة او بيتهز دة دليل على حاجتين
ان الاسكترا اللى ماسكة الدريسيكون و توجية العربية فيها مشكلة او ان طلمبة الباور نفسها فيها مشكلة ? ..
#أصحى كدة و ركز ??
اللى هقولة دة دلوقتى #تجربة_شخصية حصلت معايا
كان فى عربية مستعملة والدى كان هيشتريها
فاخدنى معاة ?
و طلعت انا و صاحبها نجرب
مشينا على الكورنيش و فتحت تالت بالعربية فى رابع و كانت مانيوال .. و سبت الدريكسيون ?
ايون سبتة خالص ?
صاحب العربية بقى يبصلى كدة ???
هوووب و انا سايب الدريسكيون الاقى العربية بتحدف شمال و الطريق كان ( مستقيم ) قولت مفيش مشاكل عاوزة ظبط زوايا بس كانت بتحدف حدفة غير حدفة الزوايا فشكيت فى العربية لانها كانت بتحدف ب زاوية كبيرة نوعا ما مش زاوية ظبط زوايا ابدا …
قولت عشان مظلمش صاحبها او اعيب على العربية و هى سليمة و تبقى العربية ضاعت مننا و فى نفس الوقت اتهمت صاحبها قولنا نكشف عليها ..
طلع فيها الأتى ?
1 – مغيرة كوبلن
2 – مغيرة مقص ..
3 – جايبة فردة شاسية شمال ? و فى فتحة هى دى اللى عملت معايا الحدفة الشمال
و الشاسية عاوز حاجة اسمها ( مرستة هوا )
يعنى هيسخن فى الشاسية و يدق علية و يستعدل و يرش ( هترش دواخل ) و ليلة كبيرة و كنا احنا اللى هنلبس العربية و كانت معرضة فى اى وقت ان الشاسية يفتح و هى ماشية فى اى وقت و تروح شمال و مهما تجيب يمين بالدريسكيون مش هيعمل حاجة و تخبط ?? …
#الخلاصة من الموضوع دة انك تمشى بالعربية فى طريق مستقيم و تسيب الدريكسيون و تشوف العربية هتحدف يمين او شمال .. لو حدفت يبقى تكشف عليها او تفكك منها خالص ?
أختبار تانى بقى نفس فكرة الموقف اللى حصل معايا و الاحسن متعملوش غير برضة فى طريق مستقيم و تكون واثق من سواقتك ..
هتجيب سرعة مش اقل من 70 و مش ازيد من 80
و هتمور العربية و لو اوتو هتجيب الفتيس على ال N و هتحط فرامل لحد الاخر بس مش كلبشة يعنى تتقل رجلك على البدال بس بسرعة و فى نفس الوقت بهدوء ( و هتكون سايب الدريكسيون خالص ) ?
لو العربية انحرفت يمين او شمال حاجة بسيطة متقلقش دة طبيعى نتيجة انك سايب الدريكسيون
اما لو حدفت حدفة جامدة يبقى تروح جاى ماسك الدريكسيون بسرعة و عادل العربية و تركن و تقول لصاحبها واحد سلام عليكم ? او سيرفو فى مشكلة و مش بيوزع ضغط الزيت مظبوط او طنبورة متاكلة و بتودع
و انت ماشى شوف كدة اى U Turn تلفة بالعربية و انت بتلف زود سيكة بنزين خفيفة ?
لو سمعت صوت طقطقة يبقى دى كبالن
و حتى فى ملفات الطريق العادية …
#ملحوظة_أخيرة … لو انت رايح تشوف عفشة عربية جنطها كبير
يعنى مثلا جنط 17 زى بتاع الريو و السيراتو او حاجة المانى
طبيعى تحس بالمطبات لان اى عفشة عليها جنط كبير بتكون ناشفة
و لو عليها عفشة سبور بتكون برضة ناشفة
و بكدة اكون خلصت و عملنا Check للعفشة …
طبعا الكلام دة لو فى اى حاجة موجودة فى العربية مشكلة فى العفشة يعنى دة مش هيعيب العربية بس هيديك فرصة تقلل من تمنها .. $$
امال لو طلع ان فيها حاجة خاصة بالشاسية يبقى انت فى الخلاعووون و انا فى النافخوون ??
⇐ ومن هنا لازم تسأل نفسك سؤال …. طب ازاى احافظ عليها ⇒
1 – العفشة لازم تتربط كل 20 الف كيلو
2 – متاخدش الملفات قفش و على سرعة عشان تحافظ على الكبالن
3 – شحمها ديما ( العفشة ) كل 20 الف بعد التربيط
4 – لما تركن العربية متكسرش العجل عشان تحافظ على الكبالن
5 – حاول تتفادى النقر على قد ما تقدر
6 – خد المطبات براحة جدا
7 – عشان تحافظ على الاسكاترة اللى هى ماسكة الدريسكيون ..
* تهز الدريسكيون و عينك على العجل لو من اى حركة بسيطة للدريسيكون العجل بيتحرك معاها يبقى كدة الاسكاترة تمام فيها Sense و مستجابة يعنى لو مش بيحصل كدة يبقى فيها بووش
* و ممكن ميكنش فيها بوش بس العلبة نفسها من جوة بدأت تروسها تتاكل من جوة و دى بتبقى اسمها حشوة علبة الدريسكيون ? و دى بتغيرها لما تسمع صوت خبط مع اى ارض غير ممهدة و غربلة فى الطارة و هتحس بيها اكتر كمان بعد سرعة 80
* لو الدريسكيون عندك تقيل يبقى الاسكاترة بتسرب زيت الباور و فى الحالة دى لازم الاسكاترة تتفك و تحل الجوانات و الاويل سيلات اللى فيها الداخلية اللى بتحجز الزيت
8 – ديما فى كل تربيطة كل عفشة ربط على البطاحات اهم حاجة لاننا زى ما قولنا هى اللى ماسكة المساعد و بتخلية يلف يمين و شمال
9 – لو بتسمع صوت طقطقة فى الملفات يبقى كبالن عمرها بينتهى
10 – لما تسمع صوت تزيق يبقى كدة البطاحات و زى ما قولنا قبل كدة البطاحات دى هى اللى ماسكة المساعد و لو اى اهمال فيها ممكن تلاقى المساعد نط من مكانة ..
11 – لو بتلف الدريكسيون فى ملف و مش بيرجع لوضعة الطبيعى معاك بسهولة يبقى كدة صليبة الدريكسيون عاوزة تتغير
12 – خلى فية Sense بينك و بين عربيتك فى التعامل خليك رومانسى كدة فى الفرامل و فى الطلعة
و بكدة نكون خلصنا موضوعنا النهاردة ?
