هنتكلم النهارده عن علامه يابانيه محترمه لكنها مش واخده حقها فى السوق وهيه
Subaru
محركات Horizontally Opposed Boxer Engine.
ايوه ! يعنى ايه اللى انت كاتبه فوق فى العنوان دا؟
محركات ال Boxer هيه محركات بتبقى المكابس فيها فى وش بعضها زى ماحنا شايفين فى الصورة بتبقى مختلفة شويه عن المحركات العادية طب ايه الميزة فى مركات ال Boxer
1- ارتفاع المحرك اقل من المحركات العادية و اللى المكابس فيها بتتحرك حركه رأسيه ودا هيخلى ارتفاع مركز ثقل محرك البوكسر اقل و بالتالى العربيه مش هتميل يمين او شمال زى اللى بيحصل فى المحركات العاديه و انخفاض ارتفاع مركز الثقل هيوزع الاحمال و يزود الاحتكاك على العجل الامامى للعربيه ودا هيزود الثبات اثناء عملية التوجيه.
2- ولان المحرك مثماثل يعنى نصه اليمن زى الشمال لان عدد المكابس و الاجزاء الميكانيكه متساوى فدا هيزود الاتزان بتاع العربيه خصوصا عند الالتفاف على السرعات العاليه.
المتانة و الاعتمادية و خفة الوزن.
بسبب ترتيب المكابس و حركتها الافقية فدا هيخلى حجم المحرك قليل و بالتالى وزنه قليل وكمان الاجزاء الميكانيكة المصنوعه من الالومنيوم ساهمت بشكل كبير فى تخفيف الوزن و دا هيزود الثبات و اتزان المركبة ككل.
ونتيجة برده لحركة المكابس العرضيه فالوزن المعاكس هنا مش موجود (الحدافه) لان اتجاهات حركة المكابس المعكوسة بتلغى الوزن العكسى المكتسب ودا هيقلل الاهتزازات و الاحتكاك وبالتالى هيزود العمر الافتراضى للمكحرك بشكل عام.
ليه Subaruمش هتغرز.
.
بعدد ما تتفرج على الفديو هتلاحظ التالى:
ان نظام Subaru’s Traction Control (نظام التحكم فى الاحتكاك ) فعال جدا لانه ببساطه بيوجه طاقه المحرك ناحية العجلة اللى عليها احتكاك عالى بمنعى انه بيوجه جزء من طاقات العجلات التلاته للعجله الرابعه ايا كان موقعها و اللى عليها احتكاك فى الحاله بتاعتنا هيبقى الاحتكاك مع الارض يعنى النظام بيشوف العجله اللى عليها احتكاك عالى ويوجهلها الطاقه بتاعة المحرك و بالتالى العربية مش هتغرز ابداً.
.
