وش سلندر

مـاهو الـفرق بيـن الـ AWD و 4WD و RWD و FWD

1 – نـظام الدفع الـكلي الـمتصل ( AWD ) > و هو اخـتصار لـ All Wheel Drive 

دة نـظام بيـشغل الاربع عجـلات مع بـعض في نفس الوقت و بيعملوا مع بعض دائما في نـفس الوقت و بيسـتخدم اكتر في الصحراء و طرق السـفر الطـويلة و الـ OFF Road و طـبعا من اهم ممـيزاتة الثـبات و التماسك عـلي الطـرق الوعرة و من سـلبياتة أسـتهلاك البـنزين الزيادة و قـلة الثـبات عـلي الطرق العـادية و قلة الثبات في المـلفات و بطيئة في السـحب شـوية بسبب تـوزيع الوزن و مـثال عـلي سيـارات الدفع الكلي المتـصل ( جـيب – سوبارو  – فـئات RS من اودي – Evo ) و امثلة اخري كـثيرة 

2 – الـدفع الربـاعي المـنفصل ( 4WD ) و هو اخـتـصار لـ Four Wheel Drive 

الدفع الرباعي المنـفصل بيـعمل نفس المـهام بتـاعت الـ AWD بس الاختلاف الوحيد هو انك تـقدر تـشغل العربية دفع خـلفي فقط عن طريق الـعجلتين الخـلفيتين او انك تـشغلها ربـاعي و دة مهم و مفيد لانك مش ديما هتـمشي OFF Road و بتقدر تـتحكم انك تـشغل او تـفعل الوضعية اللى انت عاوزها عـن طريق زر في العربية بيخليك تـختار بين الخـلفي و الربـاعي و هو دة شكل الزرار في الصورة الأتيـة 

3 – الدفع الخـلفي ( RWD ) اخـتصار لـ Rear Wheel Drive 

و هو دة الدفع الـخلفي بيتم عـن طـريق عـامود كردان طالع من الموتور رايح للـكرونة و الكرونة هي اللي متـوصلة بيـن الفردتين الخـلفتين و بيتـم الحركة عـن طريقها و دة بيكون موجود في معظم العربيـات الامريكي و الالـماني و الايطـالي و بيحبوا عـشاق الـسيارات النظـام دة لانة بيـتم عـن طريقة عـمل الـ Drift و الـ Show بالعربية بطـرق مـثيرة و رياضـية 

4 – الجـر الأمـامي ( FWD ) و هـو الـ Front Wheel Drive 

دة بيتـميز بالاقتصـادية و سـهولة الاسـتخدام لانة بيـعتمد علي العـجلتين الامامتين عـن طريق الكـبالن و بيتـميز بتـوفير الـبنزين و بيتـميز بسـرعة الاستـجابة و التـسارع و سـرعة التـجميع لكن في المـقابل بيكون أقل في الـثبات و هو دة النظـام المتداول و المـعروف حاليا في الـسيارات اليابانية و الكورية و الفرنسية و الـصينية 

 

 

 

مقالات ذات صلة

زر الذهاب إلى الأعلى
إغلاق