هنتكلم النهارده عن قطعة اساسية فى العربيات القديمة وموجوده فى بعض العربية الحديثه زى السوزوكى ماروتى والفان (التمنايه ) واللادا والشاهين
هنتكلم عن القطعة المقدسة اللى اسمها الكاربراتير
وللاسف دى قطعة كل الناس مش فاهمها ولا قادرة تتكلم عنها وبتبقى فى بعض الاحيان محل استغلال من الصنايعية
هنتكلم عنها بقلب جامد ولا يهمنا 
?
??
الكاربراتير قطعة لو اتظبطت صح بتبقى عربيتك جنة ولا تعبانة او بايظة هتخلى عربيتك جحيم وتتمنى تولع فى نفسك انت والعربية
لوشبهنا موتور العربية بجسم الانسان هيبقى الكاربراتير بمثابة الرئة بتاعت الموتور 
??
الكاربراتير بيشتغل بنظرية السحب يعنى شفت الباساتم هو اللى بشغله ويسحب منه البنزين ودا عكس البخاخ اللى بشتغل على الضغط ومش بيتوقف على سحب البستم خالص
بتكون الكاربراتير من حوض وعوامه زى عوامة السيفون بتاعت الحمام بالظبط الحوض ده كل لما يتملى العوامه تقفل ومتخدش بنزين تانى من الطرمبه ابدا ( تشبية ) 
??
وبتكون من مجموعة صمامات احنا عندنا بسميها فى الصنعة البكات يعنى فيه بك مثلا اسمه بك السلانسيه البك دا مسئول عن استقرار الموتور وتثبيته فى وضع السلانسيه ولما بيتسد العربيه عمرها ما تثبت سلانسيه ولازم يتفك ويتسلك وفى بك تانى اسمه بك السرعه البك دا مسئول عن تحديد كمية البنزبن المسحوبه من الكاربراتير ويخلى العربية تعلى لما تدوس بنزين ولو قاعدنا نتكلم للصبح مش هنبطل كلام عنه عشان كده تعالى نختصر ونشوف العيوب بتاعته 
❤❤
1- دخنه سودا 
?
سببه الكابراتير بيرمى بنزين زياده وعلاجه تقليل حجم بك السرعة شوية او الكابراتير عايز يتظبط له هواء
2-العربية دايما عالية ومش بتثبت سلانسيه الكاربراتير بيسحب هواء ومحتاج يتعمله جوان جرنجريت يمنع سحب الهواء
3- العربية بتشرق لما باجى ادور ومش بتدور
العوامه معلقه وبترمى بنزين زيادة
ودى بعض العيوب اللى فيه
تعالوا بقى نتكلم عن العيوب اللى بتقبلنى فى الورشة من الكابراتير
75 %من العيوب اللى بتقبلنى هى سحب الهواء وبيبقى غالبا بسسب اللى ركب الكاربراتير فى الصيانه معملش جوان له
وفى عيوب تانية زى ان الموتور مش مستقر ودى بيبقى الكاربراتير عايز يتظبط له هواء ويتعاير صح
