بنلاقى على عربيات
فولكس فاجن و سكودا أو رينو كلمة على الشنطة او لوجو مكتوب علية ” MPI ”
يعنى مثلا 1.6 MPI
__________
طب اية ال Mpi دة
دة المقصود بية Multi Point Enjection
مش فاهم ياعم ترجمة لو سمحت
● يعنى رشاش بنزين على كل سلندر بس بيبقى موجود قبل كل فتحة سلندر و كل رشاش بيغذى سلندر واحد بس
و كل رشاش فيهم متوصل على كومبيوتر العربية
بيقولة امتى يفتح بووقة و يرمى شوية بنزين على السلندر و امتى يريح شوية
__________
قبل ما يخترعة البتاع دة كان فى حاجة بنفس الفكرة بس على اضيق شوية
كان اسمها Single Point Injection
دة كان رشاش واحد بيغذى جميع السلندرات و كان اسمة SPI يعنى رشاش واحد واقف على راس السلندرات و الكومبيوتر يبعتلة اشارة
يقولة ارمى على سلندر 2 بنزين لا ارمى على سلندر 4 بنزين كدة يعنى
بس دة مكنش في مميزات لان توزيع البنزين مكنش بيبقى بالتساوى … مش دقيق يعنى
قالو نطور بقى و نحط MPI
ال Mpi أفضل لان كل رشاش مركز على سلندر واحد بس و هو شغلتة الشاغل
● كل رشاش متوصل على الكومبيوتر بياخد الامر منة ● أستهلاك أقل للبنزين
● بيضمن توزيع البنزين بحيث ان نسبة الخلط تطلع مظبوطة فى كل سلندر …
_____________
و بكدة شرحنا اية هو ال MPI
