نصايح مهمة ..
أول حاجة نبدأ بيها هى زيت الفـرامل …
زيت الفرامل مش بيتزود نهائى غير فى حالة انك غيرت بعض الاجزاء الميكانيكية الخاصة بالفرامل او الزيت بيتسرب و لو زودت زيت على الفاضى هيخلى التيل يتاكل منغير سبب ✋
تانى حاجة
لما تيجى تزود الماية بتاعت العربية
متزودش من الريداتير و زود الماية من القربة المخصصة للماية
و اوعى تزود الماية و العربية مبطلة او كانت راجعة من مشوار كبير و المكنة سخنة .. طريقة تزويد الماية الصح أنك لازم تكون العربية باردة و تدورها و تزود الماية عادى على الصبح كدة ✊✊
تالت حاجة
لون الزيت بتاع الموتور .. لما تيجى تسقط الزيت لو لونة لسة ذى ماهو اكنة جديد متفرحش اوى دة كدة مش حلو يا كبير
لان الزيت مش قايم بمهمتة كويس و مش مدى اللزوجة الصح بتاعتة
و ساعتها لازم تغير النوع اللى بتستخدمة ?
رابع حاجة .. لما تيجى تقيس الكاوتش قيسة و العربية لسة طالعة و باردة عشان الكاوتش يكون بارد
لان مع السخونية الهوا بيتمدد و هيدى على جهاز القراية قياس مش مزبوطة و مش هتبقى صح
خامس حاجة .. لو العـربية واطية معاك عن مستوى الارض شوية
متركبش علايات و الشغل دة لانها هتخلى العفشة ناشفة معاك و هتبوظ المساعدين بعد فترة
ساتت حاجة ? … بلاحظ ان ناس كتير جداً مش بتعرف تغير كاوتش
لازم تتعلم ازاك تفك الفردة و تركب غيرها ممكن لاقدر الله تتحط فى الموقف دة و متلاقيش حد يساعدك على طريق سريع مثلا ولا اى حاجة
سابع حاجة … لو انت نازل تشترى حاجة من سوبر ماركت مثلا ولا تعمل اى حاجة سريعة و مفيش حد معاك فى العربية
متسبش العربية دايرة و المفتاح فيها و تقول دقيقة و راجع
الحرام بينط فى ثوانى و يطلع بالعربية فى ثوانى و حصلت مع ناس معرفة كتير و حتى لو معاك حد فى العربية متسبش المفتاح فى العربية
ممكن الحرامى يهددة انة هيموتة و ساعتها اللى معاك هيخاف على حياتة و هينزل ….
_________________
