OHV , OHC , SOHC , DOHC
مصطلحات بتقابلنا كتير ومش عارفين معناها هنحاول نشرحها بشكل مبسط عشان نقدر نفهمها.
.
1-OHV (Over Head Valve)
وفى النوع دا من المحركات بيبقى عمود الكامه جوه البلوك بتاعة المحرك
و الصبابات بتتحرك عن طريق روافع و ازرع توصيل و عصافير زى اللى فى الصوره
المحركات دى قديمة شويه بس من مميزتها انها صغيره فى الحجم و قليله نسبيا فى تكلفة الصنع و طبعا حجمها اصغر و متانتها اعلى
المحركات دى فى السرعات العاليه ( سرعه دوران عاليه ) بيبقى صعب التحكم فى الصبابات
و المجوعه بالكامل ( الروافع و ازرع التوصيل و العصافير ) لانها بتكتسب وزن وهمى
او قصور ذاتى و دا هيخلى التحكم فى الصبابات فى السرعات العيه اصعب و عشان كدا المحركات دى ليها سرعه دوران اقل من المحركات العاديه.
المحركات دى طبعا هنلاحظ فيها ان كل اسطوانة ليها 2 صباب بدل من 4 زى المحركات الحديثة.
.
..
2-OHC -SOHC (Single Over Head Cam )
وفي المحركات دى بيبقى فيه عمود كامه علوى فوق الاسطوانات و الصبابات بتتحرك عن طريق العصافير على طول او ساعات بيبقى فيه زراع توصيل قصير و دا هيخلى التحكم فى الصبابات اسهل خصوصا مع السرعات العاليه.
النوع دا من التصميم خلى من الممكن تركيب 3 او 4 صبابات للاسطوانه الواحده.
المحركات دى بتتطلب وجود طريقه لضبط توقيت حركه الصبابات او سير كاتينه وشدادات و طبعا هيبقى اعقد و اغلى نسبيا فى التصميم و لازم تاخد بالك و تغير السيور فى مواعدها المحدده تجنبا لحدوث اضرار فى المحرك عند انقطاع السير.
...
3-DOHC (Double Over Head Cam )
فى المحركات دى بيبقى فيه 2 كامه فوق الاسطوانات و طبعا فيه 4 صبابات لكل اسطوانه 2 للهواء و 2 للعادم .
العمود الاول مسؤل طبعا عن تشغيل صبابات الهواء و التانى عن تشغيل العادم و طبعا كل عمود كامه فى جنب ودا هيخلى زمن فتح صمامات الهواء اكبر او زاويتها اكبر ودا هيسمح بدخول كمية هواء اكبر و بالتالى احتراق احسن و قوه حصانيه اكبر لنفس حجم المحرك بمعنى ان لو محرك 2 صباب لكل اسطوانه او محرك 4 صباب وليهم نفس الحجم يبقى محرك ال4 صبابات اقوى.
المحركات دى فتحت المجال لابتكارات جديده انها تتطبق زى نظام الحقن المباشر او نظام توقيتات فتح الصابات المتغيره او (variable valve timing ) واللى هنتكلم عنها فى بوست منفصل.
