1 – أنك تـرفض تـجرب العـربية او حتي متجييش عـلي بـالك أنك تـجربها عـشان تتاكد من حالتها و من صحة حميع الاصوات و لازم عـلي الاقل تـمشي بيـها نـص ساعة في زحمة و سرعة و تجرب بيها كل حاجة عـشان تتاكد من العربية و اذا كانت فعلا كويسة زي ما صاحبها بيقول ولا بيقول اي كلام و خلاص .. ( في حـالة الاسـتعمال )
2 – أنك متبصش في التابـلوة كويس من حيث التقفيل و متبصش في العدادات تـشوف أي Errors ظاهرة ولا لاء او لـمبة Check Engine شـغالة ولا لاء ( في حـالة الاسـتعمال و الجديد )
3 – أن قسـم الـ Sales اللى واقف في المعرض يحاول و انت بتـستلم العربية يشتت ذهنك عـن اي حاجة غلط في العربية أنة يبدأ يـتكلم معاك عن نظام القسط او الدفع او انة ياخدك جوا العربية يقولك شوية حاجات لحد لما يداري شوية عيوب خارجية في العربية بأنة يشـتت ذهـنك و دة طبعا كلة لمـصلحة المعـرض ( في حالة الجديد )
4 – أنك تـلاقي أكـسسـوارات صـيني في العـربية متـركبة و ان المعرض مـغلي في تـمنها عـشان بيحـسبها أوبشن من ضمن العـربية طبـعا من حقك تـرفض او تـقبل بس لازم تراجع علي الورق كويس طبعا برضة دة كلام ينطبق علي كل المـعارض ( في حـالة الجديد )
5 – أنك متـراجعش عـلي فرش الابواب و الشنطة ( في حالة الاسـتعمال )
6 – أنك متسألش علي خدمة ما بعد الـبيع بخـصوص التوكيل و طريقة تـعاملة مع العملاء و تتـصدم بـعدها أن تـوكيل العـربية سئ و تـكرة العربـية بسـبـبة (في حالة الجديد )
7 – أنك متراجعش علي جميع وظايف العربية و الاوبشن و تتـاكد أن كـلة شغـال زي فتحة السقف و جميع الانـوار و الـ CD ( في حالة المستـعمل و الجديد )
