وش سلندر

أزاى تـستلم عـربية جديدة

طـب دلوقتى أنت رايح تستلم عربيتك من المعرض و منشكح و فرحان و واخد العيلة بقى و عيلة العيلة و هتجيب عربية 2015
و خلاص بتستلم أهو و زبط بقشيشك و العربية أتغسلت و بتاخد مفتاحك و خلاص هتطلع من المعرض أهو …. ??✋
خد خد تعالى هنا رايح فين ؟ ?
أنت هتاخد العربية و تمشى و انت مطمن كدة ؟ ?
أنت مش عارف أننا فى مصر ولا اية ؟ ??
قبل ما تستلم و تمضى أنك أستلمت و الدنيا تمام شيل كل الورق الابيض اللى على العربية … و لف حواليها لفة حلوة و شوف فيها اى خبطات أو حكات مدارية بالورق ولا لا و الاحسن انك تاخد معاك بوهيجى لان دلوقتى ممكن تشترى عربية جديدة و تكتشف بعدين انها كانت مرشوشة و حصلت مع ناس كتير اوى و ناس اعرفها و مخدوش ولا حق ولا باطل .. و اللى بيحصل أن العربية بتبقى نازلة من على الكساحة تروح جاية مخبوطة او محكوكة .. ??
او اللى بينقلو العربية من بلد ل بلد او من معرض ل معرض بيخبطها و هو ماشى و كمان و العربيات لسة فى الجمرك و المينا العمال بيعاملوم أقذر معاملة …. ??
ف الاحسن تاخد بوهيجى معاك و تراضية ب قرشين حلوين بس تكون واثق انة عندة ضمير او حد قديم بتتعامل معاة او لو حد معرفة يجبلك واحد ثقة … ??
و معنى ان العربية مرشوشة و هى فى معرضها يبقى استهلكت و اتخبطت و ابعد عنها و اوعى تستلم مهمى اقنعك اى حد ☺☺
_________________________________________
خد معاك CD كدة و جرب السماعات و الكاسيت شغالين ولا لا و نور العربية شغال ولا لا شوف ف اى حاجة فاصلة من اى اوبشن ولا لا لو العربية فيها فتحة سقف شوف شغالة ولا ..
شوف شنطة العدة و الاستبن و الذى منة ..
شوف الكاوتش فيها اى خرف او اى فرد مريحة ولا لا
شوف فى جزء فى العربية مخلوع او مكسور كسرة خفيفة او مشرخ
من الاخر فـلى العربية فليها من كل الجوانب و متستهونش ب أى حاجة ..
____________________________________________
طب خلاص العربية طلعت تمام و استلمت العربية و هتفسح الاولاد بقى و المدام و تتعشو برة حلاوة العربية الجديدة …
نيجى بقى للتليين
دور العربية كدة و حط كتاب ربنا و سمى الله
اول ما تتطلع من المعرض روح فول العربية تفويلة 95 كدة حتى لو العربية بتاخد 92 بس حط اول مرة 95 كدة تخش تنضف الدنيا اللى جوة و تفتح الرشاشات و كلة يبقى تمام
روح أزبط كاوتش العربية العربية و زبط الهوا ..
الـ RPM ميعديش ال 3 طول فترة الالف كيلو و متعديش الـ 100 بالعربية نهائى
متدوسشى فرامل جامد ولا فرامل مفأجئة
متقرصش و متحرقش غيارات بالعربية و متخدش غرز
متمشيش فى حتت فيها رمل او طينة كتيرر
أول شهر من العربية متركنش فى شمس عشان خاطر البوية مش بتكون لسة مسكت على الصاج اوى و الشمس ممكن تشققها
الاحسن بعد الالف كيلو تاخد العربية كدة و تسافرو اى حتة و تعملو Honey Moon طب لية ؟ ❤❤?
عشان تفتح الموتور للسكك الطويلة و بعد الالف و انت مسافر أقرص على العربية بنسبة بسيطة
يعنى لو العربية بتنقل غيار على RPM 2500 لا انت دوس حبة و خليها تنقل على 3500 و هكذا عشان تفتح الصبابات و البساتم و الذى منة و أنشف على الفرامل سنة بسيطة عشان تتطبع مع الطنابير
و اللى هيـقولى العربيات بتـنزل متلينة جاهزة و الـتليين دة كان فى العربيات القديمة بس
هـقولك لا معتقداتك غلط ا
التـليين اللى بيجى من برة تليين موتور فقط على جهاز فكرتة نفس فكرة الـ Dyno
مـعنى كـلمة تـليين بـ أخـتصار تطبيع القطع المتحركة مع القطع الثابتة
و بالـتالى الشركات مش هتاخد عربية عربية تعملك تلييـن ليـها
___________________________________________

تابع أيضاً هذا :  شرح رقم الشاسيه وظيفته وأهميته في السيارات

مقالات ذات صلة

زر الذهاب إلى الأعلى
إغلاق