وش سلندر

تعمل إيه لو الفرامل عطلت ؟

670px-Drive-Manual-Step-5-preview

هنتكلم النهاردة فى نقطة مهمة ..
و هى تعمل اية لو جيت تدوس فرامل و لاقيت الفرامل عطلانة
موقف ربنا مايورية لحد بس لازم تبقى عارف هتعمل اية
_______________
خليك واثق ديما ان مش هيحصل حاجة غير لو اتعاملت مع الموقف غلط
طبعا من الخضة تفكيرك هيقف بس مع المواقف دى مينفعش تفكيرك يقف و لازم دماغك تكون حااضرة كويس اوى ..

قبل اى خطوة تعملها جرب تكارك للفرامل كذا مرة ورا بعض
اضغط عليها جامدة و بصورة مفأجأة و بسرعة
ضغطات متكررة طب لو مفيش نتيجة ياسطى
يبقى تعالى شوف الخطوات دى

1 – ملاقيش حد يقولى أبطل العربية و اسبها تقف
طب انت لما تبطل العربية الدريكسيون هيلف ازاى !! يعنى لو فى حاجة قدامك فى فرصة انك تهرب منها هتقول لا و الله معلش نخليها وقت تانى عشان انا فاصل العربية !!!

تابع أيضاً هذا :  هيونداي النترا سبورت 2017 تعلن عن قوتها بعد ظهورها الأول

2 – لو عربيتك مانيوال يبقى انت خلاص فى امان تام يا كبير
حتى لو ماشى 180
انت دلوقتى جايب الخامس و طاير بالعربية بتحط فرامل ملاقتهاش
لسة هتفكر كتير و تتخض حط دبرياجك و انزل للرابع هتلاقى صوت الموتور على معاك و العربية بتعمل تاتاتاتاتا تفصيل المكنة بتفصل منك لانك لما بتسقط غيار ال RPM بيعلى
استنى لحد لما ال Rpm يهدى شوية و روح نازل على التالت هتلاقى برضة صوت الموتور بقى عالى
افضل سقط لحد لما تنزل لحد الاول و بعد كدة خلاص اعتبر نفسك وقفت

3 – الهاند بريك … بس متبقاش ماشى 100 ولا 120 و تروح جاى شادد الهاند كدة هتتقلب بالعربية
لو انت مانيوال مش هتحتاج الهاند
بس لو اوتو هتحتاجها
أول حاجة مهما كانت السرعة اللى انت ماشى عليها
ارفع أول تكة فى فرامل اليد متخفش مش هتأثر جامد ولا العجل اللى ورا هيقف يعنى مفبيش خطر هى بس هتأيد حركة العجل اللى ورا و تمسكة شوية تلجمة يعنى

تابع أيضاً هذا :  تـعرف عـلي أهم الطـرق لتـوفير البـنزين

4 – لو انت اوتو و معدى ال 150 هات ال N لحد لما تنزل ل 120 و هتروح قالب الفتيس على الوضعية المانيوال و تنزل من التالت لحد الاول نفس فكرة الفتيس المانيوال بس فى الاوتو لازم تكون حريص و متخليش صوت الموتور يعلى و لما تنزل على 40 مثلا او 30 شد الهاند بتاعتك لحد الاخر مرة واحدة و امسك دريكسيونك كويس و العربية هتقف فى مكانها

تابع أيضاً هذا :  10 نـصائح مـهمة لـتفادي النوم أثناء القـيادة ....

5 – لو انت سواق صايع بقى و عامل كدة ??
لو فى شوية ترابة فى الطريق انزل فيها لانها هتقلل قوة احتكاك الكاوتش ب الارض و سرعة العربية هتقل بسرعة و جامد
و لو انت اصيع بقى من الصايع الاولانى
لو فى رصيف حك فية بفردتين الكاوتش اللى نحيتة و فى داهية العتبة و الفردتين مقابل حياتك و باقى العربية كلها
#ملحوظة رقم 5 متعملهاش غير و انت واثق لانك لو نزلت فى الرملة غلط ممكن العربية تتقلب او تلف منك و كدة هتخيط فى الحالتين
و لو حكيت فى رصيف ممكن تتقلب برضة او تتطلع فوق الرصيف و العربية هتبوظ من تحت
فا متعملش الحركتين دول غير لو انت عارف امكانيات نفسك

___________

كدة خلصنا ..

مقالات ذات صلة

زر الذهاب إلى الأعلى
إغلاق