وش سلندر

أهم 12 نـصيحة للمـحافظة عـلي العـفشة

الحفاظ علي العفشة
الحفاظ علي العفشة

النهاردة هنشرح الحفاظ علي العفشة من خلال انك تتبع الأرشادات دي

1 – العفشة لازم تتربط كل 20 الف كيلو
2 – متاخدش الملفات قفش و على سرعة عشان تحافظ على الكبالن
3 – شحمها ديما ( العفشة ) كل 20 الف بعد التربيط


4 – لما تركن العربية متكسرش العجل عشان تحافظ على الكبالن


5 – حاول تتفادى النقر على قد ما تقدر


6 – خد المطبات براحة جدا


7 – عشان تحافظ على الاسكاترة اللى هى ماسكة الدريسكيون ..

 

لازم بردوا تاخد بالك من الارشادات دي الحفاظ علي العفشة


1 – تهز الدريسكيون و عينك على العجل لو من اى حركة بسيطة للدريسيكون العجل بيتحرك معاها يبقى كدة الاسكاترة تمام فيها Sense و مستجابة يعنى لو مش بيحصل كدة يبقى فيها بووش

2 – و ممكن ميكنش فيها بوش بس العلبة نفسها من جوة بدأت تروسها تتاكل من جوة و دى بتبقى اسمها حشوة علبة الدريسكيون و دى بتغيرها لما تسمع صوت خبط مع اى ارض غير ممهدة و غربلة فى الطارة و هتحس بيها اكتر كمان بعد سرعة 80

تابع أيضاً هذا :  أسعـار و أضافات تـويوتا كورولا 2017 ... تـستحق السـعر دة ؟

3 – لو الدريسكيون عندك تقيل يبقى الاسكاترة بتسرب زيت الباور و فى الحالة دى لازم الاسكاترة تتفك و تحل الجوانات و الاويل سيلات اللى فيها الداخلية اللى بتحجز الزيت

تابع أيضاً هذا :  بنتلي تستعرض الجهاز العصبي لبينتايجا

نرجع تاني للأرشادات الاساسيه الحفاظ علي العفشة

8 – ديما فى كل تربيطة كل عفشة ربط على البطاحات اهم حاجة لاننا زى ما قولنا هى اللى ماسكة المساعد و بتخلية يلف يمين و شمال

9 – لو بتسمع صوت طقطقة فى الملفات يبقى كبالن عمرها بينتهى
10 – لما تسمع صوت تزيق يبقى كدة البطاحات و زى ما قولنا قبل كدة البطاحات دى هى اللى ماسكة المساعد و لو اى اهمال فيها ممكن تلاقى المساعد نط من مكانة ..

تابع أيضاً هذا :  ميني تكشف عن أبواب متميزة لسيارتها مقابل سعر معقول

11 – لو بتلف الدريكسيون فى ملف و مش بيرجع لوضعة الطبيعى معاك بسهولة يبقى كدة صليبة الدريكسيون عاوزة تتغير

12 – خلى فية Sense بينك و بين عربيتك فى التعامل خليك هادي كدة فى الفرامل و فى الطلعة

مقالات ذات صلة

اترك تعليقاً

زر الذهاب إلى الأعلى
إغلاق