وش سلندر

اية هـي الفـيوزات

ample-all

 

لكل جزء كهربى فى العربية فيوز معين حسب القوة الكهربيه المسموح بيها فى دايرته سواءّ كانت البطارية أو الدينامو أو الكونتاكت أو الزجاج الكهربي أو السنتر لوك أو جهاز الإنذار أو مروحة التبريد أو التكييف أو الكاسيت …. وأجزاء تانية كتير في العربية بيبقي لكل حاجة منها فيوز خاص بيها

طيب وارد طبعاّ إن التيار الكهربي يزيد طب فى حالة زيادته إيه اللي بيحصل ؟! الفيوز بيتحرق وده بيسبب قطع التيار عن الدايرة الكهربيه وده طبعاّ يعتبر عامل اّمان مهم جداّ عشان يحمي الأجهزة الموجودة في العربية أياّ كانت زي ما قولنا فوق ودى علي فكرة بتبقي الوظيفة الأساسية للفيوزات إنها تحمي الحاجة اللي في العربية دي من إنها تبوظ أو تتحرق

تابع أيضاً هذا :  تـعرف أكـتر عـلي الفـتيس الأوتـوماتـيك

بالسنبة لأماكن الفيوزات فا الفيوزات بتبقي موجودة فى علبة أو علبتين أو ثلاثه على حسب تصميم كل عربية وغالباّ بتبقى موجودة تحت الطارة (( الدريكسيون )) أو جنب البطارية
وبيبقي ليها غطا بيحميها وبيبقي من السهل جداّ إنك تشيله

طيب فى حالة إن أي جزء في العربية وقف عن العمل أول حاجة هتفكر فيها الفيوزات وممكن تفحصها بنفسك بكل بساطة :-

تابع أيضاً هذا :  الرئيس التنفيذي لتيسلا يستثمر مليار دولار في الذكاء الاصطناعي

أولاّ : لازم تتاكد إن الكونتاكت مقفول تماماّ ومفيش أى نور من الفوانيس الأمامية أو الخلفية شغال
ثانياّ : شيل غطا علبة الفيوزات وأبدا أفحص كل فيوز لوحده .. طب السؤال هنا أعرف منين إن الفيوز ده محروق ؟!

بسيطة جداّ بمجرد ما تبص علي السلك الموجود جوه الفيوز إذا كان السلك محروق أو مقطوع هيبان والصورة اللي تحت هتوضح الفرق بين الفيوز السليم والفيوز المحروق وبمجرد إنك تعرف إن الفيوز ده هو المحروق تقدر بكل بساطة تغيره بواحد تاني ليه نفس اللون و الحجم و عدد الأمبير

تابع أيضاً هذا :  نصايح مـهمة للـقيادة أثناء الصـيام ...

بس خلوا بالكم من حاجة إن فى حالة تركيب فيوز ليه قوة أعلى من الفيوز الأصلى المحروق إحتمال ده يضرب الضفيرة بتاععة العربية أو يخلي أي حاجة في العربية تخسر عشان الكهربا اللي داخلة ليها بتكون أعلي من اللازم.

طيب أنت ركبت فيوز تاني بدل المحروق القديم وبرضو أتحرق تاني يبقي ساعتها فيه مشكلة في الدايرة الكهربية نفسها لازم تروح لكهربائي وهو هيعرفها

مقالات ذات صلة

اترك تعليقاً

زر الذهاب إلى الأعلى
إغلاق