وش سلندر

6 عـلامـات تـعرفك أن فـرامل العـربية فيـها مـشكلة و عاوزة تتـصلح …

2015-ferrari-california-t-brembo-carbon-ceramic-brake-caliper-2

 

1 – لـو الفرامل محجرة و ناشفة .. 

يبقي المـشـكلة في الـسيرفو هو المسئول عن نعومة بدال الفرامل

 

2 – لـو وش العـربية بيـنزل جامد مع الفـرامل 

يبقي المشكلة في بطاحات او مساعدين و مسافة التوقف بقت اطول و العربية مش بتقف بسرعة و هتلاقي إن الاتيال اللى قدام بيخلصوا أسرع من اللى ورا

 

3 – لـو العـربية بـتميل للشـمال أو اليمـين مع الفرامل علي السرعـات العـالية يبقي حاجة من الـ 3 حاجات دول 

— طنـابير عاوزة تتخـرط أو تتـغير

تابع أيضاً هذا :  أسـبـاب تـفـتفـة الـمحرك و تـقطيعة عن الـعمل ..

— تـيل فرامل عاوز يتـغير

— كاوتش عاوز يتـغير أو ناقص هوا

 

4 – لو بتدوس علي الفرامل مسافة زيادة عـن المعـتاد و الوضع الطبيـعي و مسافة العربية بتطول في الوقفة 

يبقي أتـيال فرامل خلصانة و عاوزة تتـغير

 

5 – لو الطارة بتتـهز معاك في الفرامل و بتغربل 

يبقي المشكلة مشكلة طنـابير

تابع أيضاً هذا :  أعـراض تـلف المســاعدين

 

6 – لو الفرامل بتصرخ معاك و بتـصفر جامد مع الفـرامل 

يبقي التـيل علية وساخة و تراب و عاوز يتـنضف او محـتاج يـتغير و الاحسن انة يتـغير في الوقت دة بسرعة عشان ميبوظش الطنـابير

 

نـصايح مـهـمة خـاصة بالفرامل عشان تحافظ عـليها 

1 – رجليك تبقي خفيفة علي دواسة الفـرامل

2 – مش لازم عشان تقف تدوس فرامل يعني أقصد لو انت شايف انك فاضل كام متر كتار و تقف سيب دواسة البنزين و قبل ما تقف بشوية دوس علي الفرامل براحة عشان تحافظ علي التيل انة ميخلصش بسرعة و الطنابير كمان

تابع أيضاً هذا :  أعـراض تـلف عـلبة الـدركسيـون

3 – بلاش تبقي جاي من مشوار طويل و الطنابير سخنة و تقوم داخل غاسل العربية و خرطوم الماية الجميل يروح مضروب في قلب الطنابير و هي سخنة كدة هتبوظ

مقالات ذات صلة

اترك تعليقاً

زر الذهاب إلى الأعلى
إغلاق