وش سلندر

مـاهو حـسـاس الإيـدل ؟ .. Idle Sensor

 

 

المـوضوع دة عـامل مـشاكل كـتير لـعربيـات أكتر

النهارده هنتكلم عن حساس الايدل Idle sensor
او حساس السرعه الخاملة  

او حساس السلانسية وبيبقى راكب على بوابة ( المانفول ) الثروتل وفيه له مجرى مخصصه له فيها واحيانا بيركب على المانفولد نفسه واحيانا بيركب برا المانفولد وبيتوصل بخراطيم
دا مش حساس  

دا مشغل من المشغلات اللى بيتحكم فيها الكمبيوتر زى ( المبينة والرشاشات و……)
الحساس دة وظيفته انه يفتح ويقفل عشان يزود او يقلل كمية الهواء اللى داخلة للمانفولد

فى حالة السلانسية ( يعنى والبوابة شبه مقفولة ) 

 

لو مش فاهم اقرأ المثل اللى تحت دة 

شوفت الحنفية هو زيها كده بس بيفتح وبيقفل بامر من الكمبيوتر

الحساس دا بيحس بالعربيه فى الاحمال .. 
يعنى انت مثلا شغلت التكييف واصبح معانا حمل على الموتور وهو الكباس فبالتالى سرعة rbm هيقل يقوم الكمبيوتر حاسس بالموضوع دا ومشغل الحساس عشان يفتح زيادة ويدخل كمية هوا اكتر فيعلى ال rbm

الحساس دا من جوا بيتكون من ملفين و قلب معدنى
لما بيمشى فى ملف معين تيار بيسحب القلب المعدنى فى اتجاه معين ولما التيار
بيمشى فى الملف التانى بيتحرك القلب المعدنى فى الاتجاه العكسى وممكن يكون الحساس بيتكون من ملف واحد بس 

بالنسبة لاطراف هو غالبا فى معظم العربيات بيتكون من 4 اطراف وكلهم جايين من الكمبيوتر واحيانا طرفين

 

تابع أيضاً هذا :  الفـرق بيـن الـ سـي سـي و عدد الأحصـنة

ملحوظة صغيره وركز معايا فيها اوى فى معظم العربيات اللى اشتغلت فيها كان الحساس دا بيشتغل على فرق جهد 5 فولت او ٨ فولت
يعنى اى كهربائى غشيم خلقه ربنا طبق جهد ١٢ علية الملفات بتاعته هتتحرق والحساس يبوظ 

بس فى بعض الاحيان الحساس دا ببشتغل على ١٢ فولت و بيبقى داخله خط كهرباء من بعد الكونتكت واشارة الارضى

( السالب ) بتجيله من الكنترول بس نادرة شوية الحته دى

يلا عشان مبقاش حرمتكم من حاجه اهوا
الحساس دة لما بيبوظ لمبة ال Check Engine هتنور

واحيانا تانيه الحساس دة
بيبقى عليه حاجه اسمها اويل رنج وظيفتها انها لما تركب عليه وهو راكب على البوابه متخليش مكان الحساس يسحب ذرة هواء من الفاصل اللى بين الحساس ومكانه
فبالتالى لو الاويل رنج دا نشف او اتقطع العربيه هتسحب هوا و RBM هيعلى وصوت الموتور يعلى وساعته
الكمبيوتر مش هيحس بعطل ونفس الموضوع لو الحساس دا مش مربوط كويس
شغل الحساس دا عموما بيبقى على السلانسيه

_______________

تابع أيضاً هذا :  مرسيدس تكشف عن قاعدة عجلاتها الخاصة بالسيارات الكهربائية

 

أعـراض تـلف الحـساس ؟ 

1 – عدم استقرار العربيه على السلانسيه

2 – لما تشغل اى حمل على الموتور ممكن الموتور يبطل منك
زى انك تشغل التكيف او تدى غيار لو الفتيس اوتو او تكسر الدركسيون على الاخر او تشغل النور العالى ???

3 – الRpm عالى وصوت الموتور عالى بسبب ان الحساس دا علق ومبقاش قادر يقوم بدوره على الصورة المثاليه ??

ملحوظه اخيره كده

احيانا الحساس دا بيعلق بسبب تراكم رواسب الكاربون عليه فبيبقى محتاج انك تنضفه ب اسبراى انجيكشن عشان يرجع يشتغل تانى

تابع أيضاً هذا :  مميزات سيارة فيات 500X FIAT 500X الجديدة 2018

وعموما نضافة الحساس من الاساسيات فى تنضيف البوابه او حتى لو انت فاكك البوابه تنضفها
الحساس دا بيتنضف معاها

 

 

مقالات ذات صلة

اترك تعليقاً

زر الذهاب إلى الأعلى
إغلاق