نصائح هامه

طرمبة البنزين وظيفتها و انوعها و طرق الحفاظ عليها (Fuel Pump )

.

هنتكلم النهارده عن  وظيفة طرمبة البنزين وانواعها

.

وطرق الحفاظ عليها

.

( Fuel Pump )

.

.

ماهى طرمبة البنزين ؟

تعتبر طرمبة البنزين هي روح المحرك لانها ببساطة تقوم بنقل الوقود من التانك الى نظام الحقن فى المحرك الموتور سواء كان كابراتير او بخاخ محتاج حاجه تشفط البنزين من التنك عشان تضغطه ( تضخه ) على مسطرة الرشاشات لو الموتور بخاخ او على الكاربراتير لو الموتور عادي
دا لان مستوى ارتفاع التنك اقل من ارتفاع الموتور ومش هينفع هنا تطبيق نظرية الآوانى المستطرقه.

.

.

.

انواع طرمبة البنزين ؟

.

1- النوع الميكانيكى  ( Mechanical Fuel Pump )

.

نوع ميكانيكى ودا موجود فى العربيات الكاربراتير
وبنسميه فى الصنعه عندنا   (الرداخ ) ( Diaphram )وهو بيتكون من مكبس صغير داخلى بيتحرك عشان يسحب ويضخ البنزين
وطبعا طالما قولنا طرمبة ميكانيكيه يبقى اكيد هتستمد الحركه بتاعتها من حاجه بتلف
الطرمبة دى بتركب على وش السلندر وبيخرج منها دراع بنسميه ( الزغاد ) بياخد حركه
من عمود الكامه ببخليه يطلع وينزل عشان يحرك بستم الطرمبة دى ويخليها تشتغل وتطلع قماش.

تابع أيضاً هذا :  نظرة على حساس العربيه Basic car sensors

.

2- النوع الكهربى (Electric Fuel Pump )

.

..

النوع دا بيتكون من ماتور كهرباء لما بيشتغل بيخلى تربينه بلاستيك تلف عشان تشفط
البنزين من التانك وتضخه لمسطرة الرشاشات وبيركب فى العربيات الانجيكشن  والنوع دا بيركب جوا التنك ذات
نفسه عشان نستفيد من البنزين فى عملية تبريد الطرمبة ونطول عمرها على قد ما نقدر
والضغط بتاع الطلمبات دى عالى شويه عن الانواع اللى فاتت ودا لان عملية الحقن
هى يضغط البنزين جوا المسطره بتاعت الرشاشات  بضغط عالى بحيث اى رشاش يفتح يقم الضغط ا
لعالى دا متسرب جزء منه من الرشاش  على شكل بخه وهى دى فكرة عمل الرشاش ( مجرد حنفيه بالكهرباء )
بيتحكم فى عملها الكنترول

.

.

3- ملاحظات مهمة

 .

١- فلتر البنزين من العوامل المهمه اللى بتطول عمر الطرمبة لان الفلتر دا لو مكتوم هيتعب الطرمبة وكمان هيضعف معاك السحب
ياريت تغيره كل ١٥الى ٢٠ الف كيلو

تابع أيضاً هذا :  فحص العفشة والكاوتش للعربيات المستعملة

٢ – طرمبة دى لما بتبوظ حضرتك بتبقى عرضه للعيوب اللى هقولهالك دى :
تقطيع فى الموتور
تنتيش فى الماشى ونتشه فى طالعة العربيه وبما ان بقى عندنا تنتيش وتقطيع خد بقى كمان سحب ضعيف
من عيوب الطرمبة دى تيجى تدوس بنزين تلاقى العربيه مش بتستجيب غير بعد كذا مره
تاخير فى التدوير
ثبوت العربيه على سرعة متعديهاش مهما ساعتك دوست.

طرمبة دى فى حاجه فيها اسمها تشيك ڤالڤ وظيفته ان يضغط البنزين ميرجعوش تانى يعنى يسمح بمرور البنزين فى اتجاه واحد ودا عشان يكون الضغط قوى
ولما بيبوظ البتاع بيسبب تاخير فى الدواره وبيبقى الافضل انك تغير قلب طرمبة لو انت شاكك فى الطرمبة دى يبقى شوف الضغط بتاعها اخباره ايه وعامل ايه
وله جهاز قياس خاص بيه
والمتوسط بتاع الضغط دا
هو ٣.٨  الى 3.2 بار على اللاحمل(Idle ) لو عايز النسب الصح يبقى تجيب كتالوج العربيه وتقرا

تابع أيضاً هذا :  أفضل 10 طرق فعالة لكيفية التغلب على النوم أثناء القيادة

.

4- نصائح للحفاظ على الطرمبة

.

ا1-الطرمبة دى بتشتغل على حسب اوامر الكنترول  وللاسف لما بيحصل مشكله فى الجزيئه دى مشكله يجى عمو الكهربائى الغشيم يقوم مخلى الطرمبة تشتغل اول لما تفتح الكونتكت ودا غلط

واحد هناك اهوا بيقولى ليه يعنى؟!
اقوله لو حضرتك فتحت الكوكنتكت وسيبته مفتوح الكنترول هيشغل الطرمبة ثانيتين ويفصلها ولما تيجى تدور هيشغلها لوحده  تعالى بقى لو انت فتحت الكونتكت ونسيته مفتوح والكهربائى عمل مع الطرمبة الصح
هتفضل الطرمبة تهرى وتاكل فى نفسها ومحدش حاسس بيها

2- الطرمبة دى ليها فيوز و ريلاى ( كتاوت ) أول لما العربيه تبطل او الطرمبة تقف ما تشتغلش  انصحك انك تبص عليهم
3-بلاش تخلى مستوى البنزين يوصل للربع عشان تروح تفول  عشان كده الشوائب هتسد الفلتر وهيتعب الطرمبة .

المقال الاصلى بواسطة محمد سيد وهبه

مقالات ذات صلة

اترك تعليقاً

زر الذهاب إلى الأعلى
إغلاق