نصائح هامه

أمتى أغير فلتر البنزين ؟ يسلام بس كده ! تعالى هقولك

فلتر البنزين.

فلتر البنزين يبقى موجود بين طرمبة البنزين و ونظام حقن الوقود للمحرك سواء كان كاربراتير او injection و وظيفته تنقيه اى شوائب موجوده فى البنزين عشان يحافظ على العمر الافتراضى للمحرك و نظام الحقن و طبعا عشان يحافظ على آداء العربيه فى مختلف الظروف و الاحمال.

Filter

طبعا عشان الفترات الزمنية الى بتبقى بين ميعاد فحص الفلتر طويله لازم تبقى عارف علامات و اضرار الفلتر المسدود  عشان تبقى عارف ان دا معاد تغيير الفلتر.

تابع أيضاً هذا :  نـصائح لتـقليل استهلاك الوقود اثناء الـسفر

1- تأخير فى استجابة الماتور

هتلاحظ ان فيه تأخير فى استجابه المحرك عند الضغط على دواسة البنزين دا لان الفلتر مسدود ومش بيوصل كمية الوقود المطلوبه عند الحاجه لزياده اداء المحرك وطبعا دى ممكن يأثر على عملية الاحتراق و الطاقه الناتجه من المحرك.

2- الماتور بيقف

دايما محتاج تفضل دايس على دواسة البنزين عشان المحرك يفضل داير ولو شيلت رجلك تلاقى ان العربيه طفت منك دا معناه الفلتر مسدود بالشوائب ومش بيوصل كمية البنزين الكافيه لعملية التشغيل.

تابع أيضاً هذا :  نـصائح هـامة للـحفـاظ عـلي مـوتور سـيارتك ..

3- العربيه مابتدورش

طبعا لان تشغيل الماتور بيحتاج خليط من الهواء و البنزين عشان يشتغل وفى بداية التغشيل بتقبى كمية الوقود المطلوبه للتشغيل كبيرة نسبيا فلو الفلتر بتاعك مسدود كمية البنزين المطلوبة للتشغيل مش هتوصل و بالتالى العربيه مش هتدور ممكن طبعا يبقى فيه اسباب تانيه لعدم التشغيل زى ان البطارية مثلا نايمه .

4- العربيه مابتدورش بسهوله

لو الفلتر بتاعك مليان شوائب بس مش مسدود بشكل كامل هتلاحظ ان العربيه بتدور معاك بصعوبه  فى الاول دا لان كمية الوقود اللى بتوصل للمحرك محدوده .

5- آداء مختلف للمحرك

لو الفلتر بتاعك مسدود جزئيا دا ممكن يخلى البنزين اللى بيوصل للمحرك يبقى مليان شوائب ودا هيأثر على كفاءة المحرك فى ظروف التشغيل المختلفه بمعنى انك فى السرعات العليه ممكن ماتلاحظش الفرق لان ضغط الاحتراق بيبقى كبير و ضغط الوقود عالى لكن فى السرعات البطيئه و ال RPM الواطى هتلاحظ ان العربيه ممكن تبرجل منك و تطفى كمان ودا يبقى معاد تغيير الفلتر بتاعك.

مقالات ذات صلة

اترك تعليقاً

زر الذهاب إلى الأعلى
إغلاق