وش سلندر

الطنابير تعباك وبتصفر ؟ عمرها الإفتراضي إنتهى ! تعالى أقولك تعمل أيه

الطنابير أنـهاردة وش سلـندر هيـتناول مـعاكم موضوع مـهم أوي بيخص و يهم نـاس كتـير أوي و طبعا كلنا بنكون مطمنين و فراملنا كويسة مفهاش مـشاكل  … 

هنتكلم فى حاجة مجننة الناس
فى جميع العربيات و هى ” الطنابير “
السبب ببساطة اننا بنشتري الأصلى بس مش أصلى
يعنى اية … ؟
يعنى انت بتروح تشترى طنابير ب 250 حتى 800 جنية كل دة بيبقى اى كلام و مش
اصلى
و كلها سنة و بيروح لحالهم High Copy دة بيبقى
الصح فى الطنابير لما تقلش معاك و تجيب اخرها
أول حاجة تخرطها مرة واحدة بس لو كانت جديدة
و الخراطة هتكفيك 6 شهور و الخرط بيكون من 50 او 70 جنية مش هيزيد عن كدة
و تجيب تيل فرامل ب 70 او 80 جنية و يبقى كدة الموضوع اتقفل 6 شهور ب 170 او
180 جنية 

تابع أيضاً هذا :  بورش تكشف عن باناميرا 2017 الجديدة كلياً, أسرع سيدان فاخرة في العالم

طب و بعد ال 6 شهور ؟
اطلع على توكيل العربية تجيب طنبورتين اصلى
هتبدأ معاك من 850 و انت طالع
و التيل هيعمل 400 و انت طالع برضة
و هتشترى دماغك 3 سنين و كل حسب الاستعمال طبعا … و بعد ال 3 سنين دول
هتعمل نفس الكلام اللى قولنا فوق … هتخرط تانى و تجيب تيل رخيص لمدة 6 شهور
و بعدها تغيرهم 

 

هقولك بقى كام نقطة كدة تحافظ بيهم على الطنابير
1 – مشكلة الطنابير الأساسية اللى معظم الناس اكيد تعرفها ان مينفعش الطنابير يجى عليها ماية و هى سخنة لان الطنابير بتعمل
حاجة اسمها
( تفقفق ) او بتفقق ..
يعنى متكونش جى من مشوار كبير و الطنابير سخنة تروح جاى داخل على المغسلة
غاسل العربية و اللى بيغسلها يضربلك الخرطوم فى قلب الطنبورة
او متكونش ماشى كتير بالعربية و تيجى فى بقعة ماية متجمعة تخش بسرعتك فى
قلب الماية
كل دة هيبوظلك الطنابير


2 – دوسة الفرامل لازم كدة يكون فى سينس بينك و بين عربيتك فى دوسة الفرامل مش خبط لزق كدة
المفروض انت فاهم عربيتك و تعرف امتى تدوس على الفرامل براحة و امتى تدوس جامد
متعملش ذى سواقين الميكروباصات اللى هو من كتر ضربة الفرامل يخليك تطلع تقعد جمبة قدام
مش لازم كبسة واحدة …
اكبس و سيب اكبس و سيب و خلى كبستك خفيفة و هادية

 

تابع أيضاً هذا :  أفضل 10 طرق فعالة لكيفية التغلب على النوم أثناء القيادة

 

امتى اعرف ان الطنابير عاوزة تتغير ؟
1 – لما تعدى سرعة 100 و ال 110 و تحس برجة
بسيطة فى الدريسكيون …
روح الاول اعمل ترصيص و ضبط زوايا و اظبط مقاس الكاوتش لو المشكلة متحلتش
يبقى طنابير بتجيب اخرها
2 – لو اداء الفرامل مبقاش ذى الاول معاك بالرغم ان التيل حالتة كويسة .. يبقى طنابير
55 الف كيلو بالعربية و لسة مغيرتش طنابير الاحسن تروح

3 – لو عديت ال 50 الف تغيرهم 

لو استهلاكك عالي يبقي كل 40 – 50 الف كـيلو ؟ 

طب ازاى العربية بتفرمل او بتقف ؟
انت لما بتدوس على بدال الفرامل .. دة بيكون متوصل بخراطيم تضخ زيت و الزيت
بيروح للتيل
يقوم التيل قافش على الطنبورة و يفضل يمسك فيها و بالتالى سرعة العربية بتقل
و هو دة اللى اقصدة بقى انك يكون عندك سينس فى ضربة الفرامل … لان كل لما
تكون دوسة رجلك هادية كل لما الاحتكاك هيكون اقل و هادى و مش هيسخن
الطنبورة و مش هياكل التيل
و كل لما الدوسة بتاعتك تكون غشيمة و جامدة
التيل و الطنبورة عمرهم هيخلص بسرعة

تابع أيضاً هذا :  تعرف علي كيفية حماية عربيتك من السرقة

 

الوسوم

مقالات ذات صلة

اترك تعليقاً

زر الذهاب إلى الأعلى
إغلاق