وش سلندر

كيفية حدوث فرملة العـربية .. ! و مـاهو السيرفو الخـاص بالفرامل ؟

فرامل العربية  النـهاردة موقع وش سلندر بيقدم ليـكم موضوع مـهم اوي و متـناول 3 نقط شيقة جدا ياريت نتابعهم مع بعض بصورة سهلة و بسيطة جدا .. للـحصول علي أكبر قدر من الأستـفادة 

 

ازاى العربية بتقف او بمعني أدق فرامل السيارة ؟

أنت ماشى دلوقتى اهو .. روحت جاى دايس فرامل اية اللى بيحصل عشان العربية
تقف ؟
لما بتدوس على دواسة الفرامل السيرفو بتاع الفرامل يضخ زيت للخراطيم اللى
واصلة فى التيل يقوم التيل قافش على الطنبورة اللى هى الحتة المدورة دى …
لان العجلة بتلف على الطنبورة و بالتالى لما تمسك الطنبورة سرعة العربية سرعتها
هتبدأ تقل ..
مش فاهم … ابسطهالك ..
هات جنية معدن و اعتبرة الطنبورة و وقفة على حاجة مستقيمة
و ابدأ حرك فى الجنية دة براحة و خلية يمشى مع نفسة و بعد كدة بصوابعك ( الابهام و السبابة )
امسك الجنية دة مرة واحدة من النحيتين هتلاقية وقف طب لية ؟ لانك أثرت على
الجنية ( الطنبورة ) بقوة ايدك و المقصود ب ايدك هنا ( تيل الفرامل )
لونة Stop مثال ابسط … اركب الاسانسير بتاع عمارتكم هتلاقى زرار مكتوب علية
احمر …
دوس علية دوسة و سيبة هتلاقى الاسانسير راح جاى واقف و مكمل تانى .. لية ؟
لان فى فرامل فى المكنة بتاعتة فوق وقفت التروس و رجعت شغلتها تانى ..

تابع أيضاً هذا :  تصويت | ما هو تقييمك لمستوى "وش سلندر - Wesh Cylinder" ؟!

ما هو السـيرفو الخاص بفرامل العربية  ؟ 

جرب كدة بعد ما تخلص مشاويرك كدة و شغلك و تركن عربيتك و تبطلها .. جرب
بعدها بديقتين كدة تدوس على بدال الفرامل .. هتلاقي بقى ناشف كدة و مهما
 تدوس علية مش هينزل عن مستوى معين طب لية ؟
الجهاز دة لو مكنش اخترع كنت ديما هتلاقى الفرامل محجرة و Servo هو دة ال
ناشفة معاك 
فكرة عملة ان الجهاز دة متوصل بخرطوم هوا من الموتور عشان لما تيجى تدوس
فرامل تلاقى البدال ناعم و سايب ذى الوضع الطبيعى العادى و السيرفو لما بتبطل
العربية بيقف لانة بيعتمد على انة ياخد جزء من زيت الماستر الرئيسى و برضة
ساعتها خرطوم الهوا بيقف عن العمل و بكدة الفرامل تحجر ..

 

تابع أيضاً هذا :  أفضل 10 طرق فعالة لكيفية التغلب على النوم أثناء القيادة

 

 

 

السؤال التالت … أسباب الصفارة اللى بسمعها عند فرامل العربية؟

1 – لو التيل اللى انت مغيرة جايبة مش اصلى طبيعى جدا انك تسمع صوت صفارة
لان و هو بيقفش على الطنبورة مش بيستحمل كل السخونية اللى طالعة منها يقوم
جاى مصفر


2 – ان التيل يكون لسة جديد و بيطبع على الطنبورة و عشان يطبع بسرعة امشى
اى مشوار 100 كيلو بالعربية و استخدم فرامل  العربية كتير
3 – ان التيل يكون علية رايش و وساخة و وعاوز يتنضف
4 – ان الطنبورة يكون فيها حاجة اسمها عالى و واطى يعنى مش متساوية كلها
يعنى مش كلها حتة واحدة … و دة ناتج لسببين 

1 – انك مشيت فترة كبيرة بالطانبير و عدد كيلوات كتير جدا منغير ما تغير الطنابير ف مع الاستهلاك بيحصل عالى و واطى فيها 

2 – انك بتغسلها و هى سخنة و دة بيخليها تعمل حاجة اسمها ” فقفقة ” عالى و واطى و مع الوقت بتبوظ … و بتسمع الصفارة لان و التيل بيقفش على
الطنبورة يلاقى حتة عالية يقوم واكلها فايقوم مصفر
و هوب يلاقى حتة واطية يقوم نازل فيها و يصفر و هكذا ….

تابع أيضاً هذا :  أكثر سيارات مازيراتي تميزاً تصل إلى منطقتنا العربية بسرعة

 

الوسوم

مقالات ذات صلة

اترك تعليقاً

زر الذهاب إلى الأعلى
إغلاق