6 عـلامـات تـعرفك أن فـرامل العـربية فيـها مـشكلة و عاوزة تتـصلح …

1 – لـو الفرامل محجرة و ناشفة .. 

يبقي المـشـكلة في الـسيرفو هو المسئول عن نعومة بدال الفرامل

2 – لـو وش العـربية بيـنزل جامد مع الفـرامل 

يبقي المشكلة في بطاحات او مساعدين و مسافة التوقف بقت اطول و العربية مش بتقف بسرعة و هتلاقي إن الاتيال اللى قدام بيخلصوا أسرع من اللى ورا

3 – لـو العـربية بـتميل للشـمال أو اليمـين مع الفرامل علي السرعـات العـالية يبقي حاجة من الـ 3 حاجات دول 

— طنـابير عاوزة تتخـرط أو تتـغير

— تـيل فرامل عاوز يتـغير

— كاوتش عاوز يتـغير أو ناقص هوا

4 – لو بتدوس علي الفرامل مسافة زيادة عـن المعـتاد و الوضع الطبيـعي و مسافة العربية بتطول في الوقفة 

يبقي أتـيال فرامل خلصانة و عاوزة تتـغير

5 – لو الطارة بتتـهز معاك في الفرامل و بتغربل 

يبقي المشكلة مشكلة طنـابير

6 – لو الفرامل بتصرخ معاك و بتـصفر جامد مع الفـرامل 

يبقي التـيل علية وساخة و تراب و عاوز يتـنضف او محـتاج يـتغير و الاحسن انة يتـغير في الوقت دة بسرعة عشان ميبوظش الطنـابير

نـصايح مـهـمة خـاصة بالفرامل عشان تحافظ عـليها 

1 – رجليك تبقي خفيفة علي دواسة الفـرامل

2 – مش لازم عشان تقف تدوس فرامل يعني أقصد لو انت شايف انك فاضل كام متر كتار و تقف سيب دواسة البنزين و قبل ما تقف بشوية دوس علي الفرامل براحة عشان تحافظ علي التيل انة ميخلصش بسرعة و الطنابير كمان

3 – بلاش تبقي جاي من مشوار طويل و الطنابير سخنة و تقوم داخل غاسل العربية و خرطوم الماية الجميل يروح مضروب في قلب الطنابير و هي سخنة كدة هتبوظ