وش سلندر

7 نـصائح مـهمة للـحفاظ عـلي عـربيتك … !!

1233519_584667414929630_258547551_n

 

1 – قـياس مسـتوي زيـت المـوتـور و الطـريقة الصح عـشان تـقيسة هـي إن ..

  • العـربية تـكون باردة و تدورها و تـسبها دقيقة كدة و بعد كدة تـبطل و تـستني خمس دقايق و بعد كدة تـقيس الزيت بأنك ترفع المقياس بتاعة و تنضفة بحتة قمـاش مفهاش أي وبرة و تحطة تاني في الموتور و تطلعة و بعد كدة تـشوف هـل بيـن Low و Max ولا لاء .. لازم يكون بيـنهم ولا أقل و لا أزيد و بلاش تـقيس الزيت و الموتور داير لانة هيديك قراية مش دقيقة …

2 – قـياس ضغط الهوا في الكاوتش و الطريقة الصـح عشان تـقيسة هي إن ..

  • لازم تكون العربية لسة باردة و العجل بارد عشان تاخد قراية صحيحة لانك لو قستة و الكاوتش سخن الهوا اللي جوة الكاوتش بيمـتدد مع السخونية و بالتالي هيديك رقم غير صحيح

3 – تـجنب انك تـمشي ورا المقاطير و النـقل اللى محمل حديد أو خـشب او طوب او زلط او رمل

  • عشان بيحصل منهم كوارث و بيوقعوا حاجات علي الطريق مفيش عربية تسـتحملها

4 – لون زيـت الموتور ..

  • لو أنت فرحان انك كل لما تروح تـغير الزيت تلاقية لونة ثابت زي ماهو اكنة لسة محطوط او غامق حاجة بسيطة احب اقولك انك كدة الزيت اللي بتحطة مش تمام لان وظيفة الزيت ان ينضف الموتور و يقلل الاحتكاك اللى فية و معني ان لونة مش بيتغير يبقي مش بيقوم بوظيفتة و الحل انك تغير النوع اللى بتحطة

5 – أستخدم المارش صح في تدوير العربية ..

  • لو العربية مدارتش اول مرة مش لازم تفضل معلق ايدك علي المفتاح بطل و دور تاني و خلي ايدك خفيفة متزدش التدويرة عن 5 ثواني

6 – اوعي تـجيب كاوتش مـستعمل .. لية ؟

  • نسأل نـفسنا سؤال بسـيط هو اللى باع الكاوتش دة باعة لية من الاساس و هو سـليم ؟ و التاجر اللى بيشتغل في الكاوتش المستعمل دة اية هدفة ؟ الكاوتش اوعي تجيبة مستعمل حتي لو هتركن العربية شهر لحد لما تجيب فلوسة و لعلمك لو روحت تشتري كاوتش مستعمل و لاقيت لونة اسمر اوي اكنة جديد مش عاوزك تفرح عشان التجار بيغسلوة بالبـيبسي ايوة اللى بنشربة دة و البيبسي بيشيل اي وساخة من علية و بيرجعة جديد تاني بس طبعا الحالة Zero

7 – بلاش تـركب عليات عشان ترفع ارتفاع العـربية

  • العربية بتاعتك اتـصنعت و اتعملت علي معـايير مـعينة و مقاسات و حسابات هندسية لما انت ترفع العربية دة هيأثر علي الثبات بشـكل كـبير و هيأثر علي اداء الفرامل و البنزين …

مقالات ذات صلة

زر الذهاب إلى الأعلى