أخبار السياراتتقارير أسعار ومواصفات السياراتوش سلندر
كل الشركات بتهدد إلا مرسيدس بتنفذ EQS 2022 الكهربائية بأطول مدى بطارية 800 كم للشحنة الواحدة
تقريبا كده كل الشركات بتهدد تسلا بالكلام فقط ، لكن مرسيدس واخدين الموضوع في الجانب التنفيذي مش الكلام ، وأخيراً أعلنت مرسيدس عن طرح EQS 2022 ، والتي يمكن اعتبارها إس كلاس السيارات الكهربائية بمدى أقصى 770 كيلومتر لكل شحنة أو للشحنة الواحدة وتصميم جريء جداً وداخلية متطورة تقنياً كما تتوفر EQS بتقنية تعرف على الوجوه ومتابعة حالة السائق أثناء قيادته للتدخل السريع في حالة غفلته … تقدر تقول إن العربية دي واحدة من أفخم العربيات الكهربائية المتوفرة في السوق دلوقتي 
مرسيدس EQS نازله بمولدين ، الأول بقوة 329 حصان وعزم 568 نيوتن متر بتسارع لـ 100 كم/س خلال 6.2 ثانية ، الموديل الأقوى بموتورين بيجي بـ 516 حصان وعزم 855 نيوتن متر (دفع كلي) ، وتسارع خلال 4.3 ثانية 
الموديلين بيجوا بسرعة قصوى محددة بـ 210 كم/س ، ومدى قيادة 785 كم ، مع شحن بقدرة 200 كيلووات ، تقدر تشحن لمدى يمشيك 300 كم من مدى القيادة في خلال 15 دقيقة فقط 
المميز بقا إن العربية دي تقدر تسوق نفسها بالكامل لحد سرعة 60 كم/س جوا المدينة ، ومن أهم المزايا الداخلية ل EQS الجديدة هي مساعد مرسيدس الرقمي وده بينفذ مختلف أنواع المهام بالأوامر الصوتية كما يقدم إقتراحات متعددة لتحسين تجربة القيادة باستخدام أحدث تقنيات الذكاء الإصطناعي وكمان فيها 3 شاشات هيبر سكرين عملاقة تحتوي على قطعة الزجاج الموحده على ثلاث شاشات فرعية بحجم 56 بوصة متوفرة بشكل إختياري الأولى مقاس 12.8 بوصة أمام السائق والتانية 12.3 بوصة أمام الراكب الأمامي والتالته في المنتصف 18 بوصه للنظام المركزي الترفيهي والتحكم في وظائف السيارة ، و 8 معالجات ، و 24 جيجا رام ، وفيها خاصية بتمنع السواقة يتفرج على حاجة وهو سايق بس الراكب يتفرج عادي (تكنولوجيا جباره) 
المهم إن العربية دي سعرها بيبدأ من مليون و 700 ألف جنيه مصري بدون جمارك … تقريبا 110 ألف دولار
أيه رأيكم في الدخلة العنيفة دي لمرسيدس في وسط منافسة الكهربا ؟
